Mga Maghuhukom 2:12

Ang Biblia 2011

Ug ilang gibiyaan ang Ginoo, ang Dios sa ilang katigulangan nga nagdala kanila gikan sa yuta sa Ehipto. Misunod sila sa laing mga dios, sa mga dios sa katawhan nga naglibot kanila ug miyukbo kanila, ug ilang gihagit ang Ginoo sa pagkasuko.

Cross References

Salmo 106:36

Mialagad sila sa ilang mga diosdios, nga nahimong lit-ag alang kanila.

Salmo 78:58

Kay gihagit nila siya sa pagkasuko pinaagi sa ilang mga habog nga dapit; gipapangabubho nila siya pinaagi sa ilang mga larawan nga kinulit.

Exodo 13:14

Ug kon moabot ang panahon nga ang inyong anak mangutana kaninyo, ‘Unsa bay gipasabot niini?’ ingna siya, ‘Pinaagi sa kusog sa kamot, ang Ginoo nagkuha kanamo gikan sa Ehipto, gikan sa balay sa kaulipnan.

Exodo 13:16

Ug kini mahimo alang kanimo nga usa ka timaan diha sa imong kamot ug ilhanan diha sa taliwala sa imong mga mata tungod kay pinaagi sa kusgan nga kamot ang Ginoo nagkuha kanamo gikan sa Ehipto.”

Exodo 13:3

Si Moises miingon sa katawhan, “Hinumdomi ninyo kining adlawa nga migawas kamo sa Ehipto, gikan sa balay sa kaulipnan kay ang Ginoo mikuha kaninyo gikan niining dapita pinaagi sa kusog sa iyang kamot. Walay pan nga may patubo nga inyong kaonon.

Exodo 13:9

Kini mahimo ingon nga sama sa usa ka ilhanan diha sa inyong kamot ug usa ka pahinumdom taliwala sa inyong mga mata, aron ang balaod sa Ginoo maana sa inyong baba. Kay tungod sa kusgan nga kamot gikuha kamo sa Ginoo gikan sa Ehipto.

Exodo 20:5

Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.

Jeremias 16:11

ingna sila: ‘Tungod kay ang inyong mga katigulangan mibiya kanako, nag-ingon ang Ginoo, ug misunod sa laing mga dios ug nag-alagad ug nagsimba kanila ug mibiya kanako, ug wala magtuman sa akong balaod,

Deuteronomio 13:5

Apan ang maong propeta o ang maong tighubad sa mga damgo kinahanglang patyon tungod kay siya nagtudlo ug pagsukol batok sa Ginoo nga inyong Dios nga nagkuha kaninyo gikan sa yuta sa Ehipto ug naglukat kaninyo gikan sa balay sa kaulipnan, aron sa pagpabiya kaninyo sa dalan nga gipalaktan kaninyo sa Ginoo nga inyong Dios. Busa puoha ninyo ang daotan gikan sa inyong taliwala.

Deuteronomio 29:18

Pagbantay unya kamo kay tingali ug sa taliwala ninyo adunay lalaki o babaye o panimalay o banay nga ang kasingkasing motalikod gikan sa Ginoo nga atong Dios aron sa pag-adto ug sa pag-alagad sa mga dios niadtong mga nasod. Tingali unya ug diha kaninyo adunay gamot nga makahilo, ug pait nga bunga,

Deuteronomio 29:25

Unya motubag ang mga tawo, ‘Kini tungod kay gibiyaan nila ang kasabotan sa Ginoo, ang Dios sa ilang katigulangan, nga gibuhat niya uban kanila sa dihang gikuha niya sila gikan sa yuta sa Ehipto.

Deuteronomio 32:15

“Apan mitambok ang Jesurun ug nanindak; mitambok ikaw, midako ikaw, mihapsay ikaw. Unya mibiya siya sa Dios nga nagbuhat kaniya, ug gitamay niya ang Bato sa iyang kaluwasan.

Deuteronomio 33:17

Ang iyang kahalangdon sama sa kamagulangan sa torong baka ug ang iyang mga sungay mga sungay sa baka nga ihalas; pinaagi niini itulod niya ang katawhan, ang tanan ngadto sa mga kinatumyan sa kalibotan; kini sila mao ang napulo ka libo ni Efraim, ug kini sila mao ang mga linibo ni Manases.”

Deuteronomio 4:25

“Sa diha nga kamo manganak ug ang inyong mga anak manganak ug matigulang na kamo didtong dapita, kon magbuhat kamo ug daotan pinaagi sa pagbuhat ug kinulit nga larawan sa dagway sa bisan unsang butang, ug pinaagi sa pagbuhat ug daotan diha sa panan-aw sa Ginoo nga inyong Dios, aron sa paghagit kaniya sa pagkasuko,

Deuteronomio 5:9

Ayaw kamo pagyukbo kanila o pag-alagad kanila kay ako ang Ginoo nga inyong Dios abubhoan nga Dios, nga nagsilot sa mga anak tungod sa pagkadaotan sa mga ginikanan ngadto sa ikatulo ug sa ikaupat nga kaliwatan sa mga nagdumot kanako.

Deuteronomio 6:12

pagbantay kamo kay tingali unya ug makalimot kamo sa Ginoo nga nagpagula kaninyo gikan sa yuta sa Ehipto, gikan sa balay sa kaulipnan.

Mga Maghuhukom 10:11

Ug ang Ginoo miingon sa katawhan sa Israel, “Wala ba ako magluwas kaninyo gikan sa mga Ehiptohanon, gikan sa mga Amorihanon, gikan sa mga Amonihanon ug sa mga Filistihanon?

Mga Maghuhukom 5:8

Sa diha nga napili ang mga bag-ong dios, ang gubat diha sa mga ganghaan. Diha bay usa ka taming o bangkaw nga nakita taliwala sa 40,000 sa Israel?

Mga Maghuhukom 8:33

Sa diha nga si Gideon namatay na, ang katawhan sa Israel mibalik na usab ug misimba sa mga Baal ug gihimo si Baal-berit nga ilang dios.