Mga Maghuhukom 2:11

Ang Biblia 2011

Ang katawhan sa Israel naghimo ug daotan diha sa panan-aw sa Ginoo ug nag-alagad sa mga Baal.

Cross References

Genesis 13:13

Niadtong panahona ang mga tawo sa Sodoma daotan ug hilabihan gayod ka makasasala batok sa Ginoo.

Genesis 38:7

Apan si Er, ang kamagulangan ni Juda, daotan sa panan-aw sa Ginoo, ug gipatay siya sa Ginoo.

1 Mga Hari 11:5

Kay si Solomon misimba kang Astarot, ang diosa sa mga Sidonhanon, ug kang Milcom, ang dulumtanan diha sa mga Amonihanon.

1 Mga Hari 18:18

Ug siya mitubag, “Wala ako maghimo ug kasamok sa Israel, kondili ikaw ug ang panimalay sa imong amahan, tungod kay inyong gisalikway ang mga sugo sa Ginoo ug ikaw misunod sa mga Baal.

1 Mga Hari 22:53

Ug siya nag-alagad kang Baal ug nagsimba kaniya ug naghagit sa Ginoo, ang Dios sa Israel, sa pagkasuko sama sa tanang gibuhat sa iyang amahan.

2 Cronicas 28:2

apan siya naglakaw diha sa mga dalan sa mga hari sa Israel. Naghimo usab siya ug mga tinunaw nga mga larawan alang sa mga Baal.

2 Cronicas 28:3

Ug nagsunog siya ug insenso didto sa walog sa anak nga lalaki ni Hinom, ug gisunog ang iyang mga anak nga lalaki ingon nga halad sumala sa mga dulumtanan nga mga buhat sa mga nasod nga gihinginlan sa Ginoo gikan sa atubangan sa katawhan sa Israel.

2 Cronicas 33:6

Ug gisunog niya ang iyang mga anak ingon nga halad didto sa walog sa anak ni Hinom ug siya naghimo ug sa mga pagpanagna, pagpanglamat, salamangka ug nagpakisayod sa mga espiritu ug sa mga tigsalamangka. Gibuhat niya ang daghang kadaotan diha sa mga mata sa Ginoo, naghagit kaniya sa pagkasuko.

Esdras 8:12

Sa mga kaliwat ni Azgad, si Johanan nga anak ni Hakatan, ug uban kaniya 110 ka lalaki.

Nehemias 9:26

“Bisan pa niana sila nagmasupilon ug misukol batok kanimo ug gisalikway sa ilang likod ang imong balaod ug gipamatay ang imong mga propeta nga nagpasidaan kanila aron sa pagpabalik kanila nganha kanimo ug sila nagbuhat ug dagkong pagpasipala.

Salmo 78:56

Bisan pa niini, sila misukol ug misulay sa Labing Halangdon nga Dios, ug wala sila magbantay sa iyang mga pagpamatuod,

Jeremias 11:10

Sila namalik sa mga kasal-anan sa ilang mga katigulangan, nga midumili sa pagpamati sa akong mga pulong. Sila misunod sa laing mga dios aron sa pag-alagad kanila. Ang balay sa Israel ug ang balay sa Juda naglapas sa akong kasabotan nga gibuhat nako uban sa ilang mga katigulangan.

Jeremias 16:11

ingna sila: ‘Tungod kay ang inyong mga katigulangan mibiya kanako, nag-ingon ang Ginoo, ug misunod sa laing mga dios ug nag-alagad ug nagsimba kanila ug mibiya kanako, ug wala magtuman sa akong balaod,

Jeremias 2:20

“Kay sa kanhing panahon gibali nimo ang imong yugo ug gibugto ang imong mga gapos ug ikaw miingon, ‘Dili ako moalagad.’ Kay sa matag habog nga bungtod, ug ilalom sa matag lunhaw nga kahoy ikaw miyukbo sama sa usa ka babayeng nagbaligya sa iyang dungog.

Jeremias 2:23

Unsaon nimo sa pag-ingon, ‘Dili ako hugaw, wala ako mosunod sa mga Baal’? Tan-awa ang imong dalan diha sa walog; hibaloi ang imong nabuhat— usa ka tulin nga nating kamilyo nga naglubidlubid sa iyang mga tunob,

Jeremias 32:23

ug sila misulod ug nanag-iya niini. Apan wala sila motuman sa imong tingog o maglakaw subay sa imong Balaod. Wala sila magbuhat sa tanan nga gisugo nimo kanila nga buhaton. Busa gihimo nimo kining tanan nga kadaotan nga moabot kanila.

Jeremias 9:14

apan mapugsanon hinuon silang misunod sa ilang kasingkasing ug nagsunod sa mga Baal, ingon sa gitudlo kanila sa ilang mga katigulangan.

Numeros 25:3

Busa ang Israel nakiglambigit sa iyang kaugalingon ngadto kang Baal didto sa Peor, ug ang kasuko sa Ginoo misilaob batok sa Israel.

Deuteronomio 31:16

Unya ang Ginoo miingon kang Moises, “Tan-awa, hapit na ikaw mopahulay uban sa imong mga amahan unya kining katawhan mosimba sa laing mga dios sa yuta nga maoy ilang adtoan aron makig-uban kanila, ug sila mobiya kanako ug molapas sa akong kasabotan nga gibuhat nako uban kanila.

Deuteronomio 4:25

“Sa diha nga kamo manganak ug ang inyong mga anak manganak ug matigulang na kamo didtong dapita, kon magbuhat kamo ug daotan pinaagi sa pagbuhat ug kinulit nga larawan sa dagway sa bisan unsang butang, ug pinaagi sa pagbuhat ug daotan diha sa panan-aw sa Ginoo nga inyong Dios, aron sa paghagit kaniya sa pagkasuko,

Mga Maghuhukom 10:10

Unya ang katawhan sa Israel mituaw ngadto sa Ginoo nga nag-ingon “Kami nakasala batok kanimo tungod kay gisalikway namo ang among Dios ug nag-alagad sa mga Baal.”

Mga Maghuhukom 10:6

Unya ang katawhan sa Israel nagbuhat pag-usab ug daotan diha sa panan-aw sa Ginoo, ug nag-alagad sa mga Baal ug sa mga Astarot, sa mga dios sa Siria, sa mga dios sa Sidon, sa mga dios sa Moab, sa mga dios sa mga Amonihanon, ug sa mga dios sa mga Filistihanon. Ug ilang gisalikway ang Ginoo ug wala mag-alagad kaniya.

Mga Maghuhukom 13:1

Ang katawhan sa Israel nagbuhat na usab ug daotan diha sa panan-aw sa Ginoo ug ang Ginoo nagtugyan kanila ngadto sa kamot sa mga Filistihanon sulod sa 40 ka tuig.

Mga Maghuhukom 3:12

Ang katawhan sa Israel naghimo pag-usab ug daotan diha sa panan-aw sa Ginoo. Ug ang Ginoo naglig-on kang Eglon nga hari sa Moab batok sa Israel tungod kay naghimo sila ug daotan diha sa panan-aw sa Ginoo.

Mga Maghuhukom 3:7

Ang katawhan sa Israel naghimo ug daotan diha sa panan-aw sa Ginoo, nalimot sa Ginoo nga ilang Dios ug nag-alagad sa mga Baal ug sa mga Asera.

Mga Maghuhukom 4:1

Ang katawhan sa Israel naghimo na usab ug daotan sa panan-aw sa Ginoo human mamatay si Ehud.

Mga Maghuhukom 6:1

Ang katawhan sa Israel naghimo ug daotan sa panan-aw sa Ginoo, ug ang Ginoo nagtugyan kanila ngadto sa kamot sa Midian sulod sa pito ka tuig.

Mga Maghuhukom 6:25

Niadtong gabhiona ang Ginoo miingon kaniya, “Dad-a ang torong baka sa imong amahan, ang ikaduha nga torong baka nga pito ka tuig ang panuigon ug tumpaga ang halaran ni Baal nga anaa sa imong amahan ug putla ang Asera nga anaa tupad niini.

Mga Maghuhukom 8:33

Sa diha nga si Gideon namatay na, ang katawhan sa Israel mibalik na usab ug misimba sa mga Baal ug gihimo si Baal-berit nga ilang dios.

1 Samuel 12:10

Unya sila mituaw ngadto sa Ginoo ug miingon, ‘Kami nakasala tungod kay among gitalikdan ang Ginoo ug nag-alagad sa mga Baal ug sa Astarot, apan karon luwasa kami gikan sa kamot sa among mga kaaway ug kami mag-alagad kanimo.’

1 Samuel 7:3

Unya si Samuel miingon sa tibuok nga balay sa Israel, “Kon kamo mamalik sa Ginoo sa tibuok ninyong kasingkasing, isalikway ang mga langyawng dios ug ang Astarot gikan kaninyo. Itumong ang inyong kasingkasing ngadto sa Ginoo, ug mag-alagad kaniya lamang, ug siya magluwas kaninyo gikan sa kamot sa mga Filistihanon.”

1 Samuel 7:4

Busa ang Israel misalikway sa mga Baal ug sa Astarot, ug nag-alagad sa Ginoo lamang.