Mga Maghuhukom 2:10

Ang Biblia 2011

Ang tanan niadtong maong kaliwatan gitipon usab ngadto sa ilang mga katigulangan. Ug dihay mitungha nga laing kaliwatan sunod kanila nga wala makaila sa Ginoo o sa buhat nga iyang gihimo alang sa Israel.

Cross References

Genesis 15:15

Apan ikaw moadto sa imong mga katigulangan diha sa kalinaw, ug ilubong ka nga tigulang na kaayo.

Genesis 25:17

Kini mao ang mga tuig sa kinabuhi ni Ismael, 137 ka tuig. Ug miginhawa siya sa iyang kataposan ug namatay siya ug gitipon sa iyang mga katawhan.

Genesis 25:8

Si Abraham miginhawa sa iyang kataposan ug namatay siya nga tigulang na kaayo, ug hupong sa katuigan ug gitipon ngadto sa iyang katawhan.

Genesis 49:33

Ug sa nakahuman na si Jacob sa pagpanugon sa iyang mga anak, gipasaka niya ang iyang mga tiil ngadto sa higdaanan ug miginhawa sa iyang kataposan, ug gitipon siya uban sa iyang katawhan.

2 Samuel 7:12

Sa diha nga ang imong mga adlaw matuman na, ug ikaw mopahulay tupad sa imong katigulangan, akong patindogon ang imong kaliwat sunod kanimo, nga mogula gikan sa imong lawas ug akong lig-onon ang iyang gingharian.

1 Cronicas 28:9

“Ug ikaw, Solomon nga akong anak, ilha ang Dios sa imong amahan ug alagari siya uban ang tibuok nimong kasingkasing ug uban sa usa ka masinugtanon nga kasingkasing, kay ang Ginoo nagsusi sa tanang mga kasingkasing, ug nakasabot sa tanang mga laraw ug mga hunahuna. Kon imo siyang pangitaon, imo siyang makit-an, apan kon imo siyang biyaan, isalikway ikaw niya hangtod sa kahangtoran.

Job 21:14

Sila nag-ingon sa Dios, ‘Pahawa gikan kanamo! Wala kami magtinguha sa kahibalo mahitungod sa imong mga dalan.

Exodo 1:6

Unya namatay si Jose ug ang tanan niyang mga igsoon, ug ang tanan niadtong maong kaliwatan.

Exodo 1:8

Unya dihay miabot nga usa ka bag-ong hari sa Ehipto nga wala makaila kang Jose.

Exodo 5:2

Apan ang Paraon mitubag, “Kinsa ba si Yahweh nga kinahanglang mamati ako sa iyang tingog ug magtugot sa pagpalakaw sa Israel? Wala ako makaila kang Yahweh, dili usab ako motugot sa pagpalakaw sa Israel.”

Isaias 5:12

Aduna silay lira ug alpa, tambor, plawta ug bino sa ilang mga kasaulogan, apan wala nila panumbalinga ang mga buhat sa Ginoo o makita ang gihimo sa iyang mga kamot.

Jeremias 22:16

Siya naghukom sa katungod sa mga kabos ug nanginahanglan; unya kadto maayo. Dili ba kini maoy pag-ila kanako? nag-ingon ang Ginoo.

Jeremias 31:34

Ang matag tawo dili na gayod magtudlo sa iyang isigkatawo ug ang matag tawo sa iyang igsoon, nga mag-ingon, ‘Ilha ang Ginoo,’ kay silang tanan makaila kanako, gikan sa labing gamay kanila ngadto sa labing dako, nag-ingon ang Ginoo; kay pasayloon nako ang ilang kasal-anan, ug dili na gayod nako hinumdoman ang ilang sala.”

Jeremias 9:2

Aduna unta akoy usa ka balay didto sa kamingawan alang sa mga tawong nagpanaw, aron ako makabiya sa akong katawhan ug mopalayo gikan kanila! Kay silang tanan mga mananapaw, usa ka katilingban sa mabudhiong mga tawo.

Jeremias 9:3

Ilang gibawog ang ilang mga dila sama sa pana; ang kabakakan ug dili ang kamatuoran maoy nalig-on diha sa yuta; kay sila nagpadulong gikan sa kadaotan ngadto sa kadaotan, ug sila wala makaila kanako, nag-ingon ang Ginoo.

Jeremias 9:5

Ang matag usa naglimbong sa iyang silingan, ug walay misulti sa matuod; ilang gitudloan ang ilang dila sa pagsulti ug mga bakak ug sila nagbuhat ug kasal-anan ug luya sa paghinulsol.

Numeros 27:13

Ug sa diha nga imong makita kini, matipon usab ikaw ngadto sa imong katawhan, ingon nga si Aaron nga imong igsoon gitipon,

Lucas 20:32

Unya ang babaye usab namatay.

Mga Buhat 13:36

Kay si David, human siya makaalagad sa katuyoan sa Dios diha sa iyang kaugalingong kaliwatan, namatay ug gilubong uban sa iyang mga katigulangan ug nakasinati ug pagkadunot.

Deuteronomio 31:16

Unya ang Ginoo miingon kang Moises, “Tan-awa, hapit na ikaw mopahulay uban sa imong mga amahan unya kining katawhan mosimba sa laing mga dios sa yuta nga maoy ilang adtoan aron makig-uban kanila, ug sila mobiya kanako ug molapas sa akong kasabotan nga gibuhat nako uban kanila.

2 Mga Taga-Tesalonica 1:8

Siya magpahamtang ug panimalos batok kanila nga wala moila sa Dios ug kanila nga wala magtuman sa Maayong Balita sa atong Ginoong Jesus.

Tito 1:16

Sila nagpahayag nga nakaila sila sa Dios, apan naglimod kaniya pinaagi sa ilang mga binuhatan. Sila dulumtanan, masinupakon ug dili mapuslan alang sa tanang maayong buhat.

Josue 24:31

Ang Israel nag-alagad sa Ginoo sa tanang mga adlaw ni Josue ug sa tanang mga adlaw sa mga kadagkoan nga ulahing namatay kang Josue ug nahibalo sa tanang buhat nga gihimo sa Ginoo alang sa Israel.

1 Samuel 2:12

Ang mga anak nga lalaki ni Eli mga tawong walay kapuslanan, sila walay pagtahod sa Ginoo.