Mga Maghuhukom 19:20

Ang Biblia 2011

Ug ang tigulang miingon, “Ang kalinaw mag-uban kanimo. Akong atimanon ang tanan nimong mga kinahanglanon; ayaw lamang pagpalabay sa kagabhion dinhi sa plasa.”

Cross References

Mga Maghuhukom 6:23

Apan ang Ginoo miingon kaniya, “Ang kalinaw maanaa kanimo. Ayaw kahadlok; dili ikaw mamatay.”

1 Juan 3:18

Mga anak, kinahanglan nga maghigugma kita dili lamang pinaagi sa pulong o sa sulti, kondili pinaagi sa buhat ug sa kamatuoran.

1 Pedro 4:9

Batasana ninyo ang pag-abiabi sa usa ug usa sa walay pagbagulbol.

Mga Hebreo 13:2

Ayaw ninyo kalimti ang pag-abiabi sa mga dumuduong, kay pinaagi niini adunay nakaalagad ug mga anghel nga wala lang nila hibaloi.

Mga Taga-Galacia 6:6

Siya nga gikatudloan sa pulong kinahanglang mopaambit sa tanang mga maayong butang ngadto sa nagtudlo kaniya.

1 Mga Taga-Corinto 1:3

Maanaa kaninyo ang grasya ug ang kalinaw gikan sa Dios nga atong Amahan ug gikan sa Ginoong Jesu-Cristo.

Roma 12:13

Hatag kamo alang sa mga panginahanglan sa mga balaan; batasana ninyo ang pagkamaabiabihon.

Juan 14:27

Ang kalinaw ibilin nako kaninyo, ang akong kalinaw ihatag nako kaninyo. Ihatag nako kini kaninyo, dili sama sa paghatag sa kalibotan. Ayaw kamo kaguol diha sa inyong kasingkasing, ayaw kamo pagtalaw.

1 Cronicas 12:18

Unya ang Espiritu mikunsad kang Amasai nga pangulo sa 30, ug siya miingon, “Imo kami, O David; ug uban kanimo, O anak ni Jesse! Kalinaw, kalinaw nganha kanimo, ug kalinaw nganha sa imong mga kaabag! Kay ang imong Dios nagtabang kanimo.” Unya gidawat sila ni David ug gihimo sila nga mga pangulo sa iyang kasundalohan.

1 Samuel 25:6

Kini mao ang inyong pangatahoran kaniya, ‘Ang kalinaw anaa kanimo, ug ang kalinaw anaa sa imong balay, ug ang kalinaw anaa sa tanan nga anaa kanimo.