Mga Maghuhukom 19:16

Ang Biblia 2011

Unya dihay usa ka tawong tigulang nga miabot gikan sa iyang buhat sa uma sa pagkakilomkilom. Ang tawo gikan sa kabungtoran sa Efraim ug siya nagpuyo didto sa Gibea, nga ang mga tawo sa maong dapit mga kaliwat ni Benjamin.

Cross References

Genesis 3:19

Pinaagi sa singot sa imong nawong makakaon ikaw sa pan hangtod nga mobalik ikaw sa yuta tungod kay ikaw gikuha gikan niini; ikaw abog ug sa abog ikaw mobalik.”

Salmo 104:23

Ang tawo mogula ngadto sa iyang buhat ug sa iyang buluhaton hangtod sa kagabhion.

Salmo 128:2

Magkaon ikaw sa bunga sa kabudlay sa imong mga kamot; magmalipayon ikaw, ug magmaayo kini alang kanimo.

Mga Panultihon 13:11

Ang bahandi nga daling makuha magkawala, apan kadtong nagtigom sa hinayhinay magpadaghan niini.

Mga Panultihon 14:23

Diha sa tanang paghago adunay bunga, apan ang sulti lamang mohatod ngadto sa kawalad-on.

Mga Panultihon 24:27

Andama ang imong buhat sa gawas, andama ang tanan alang kanimo sa uma; ug human niini tukora ang imong balay.

Ecclesiastes 1:13

Ug gigamit nako ang akong kasingkasing sa pagpangita ug sa pagsusi pinaagi sa kaalam, sa tanang nahimo ilalom sa langit. Lisod kaayo nga buluhaton ang gihatag sa Dios ngadto sa mga anak sa mga tawo aron maghago alang niini.

Ecclesiastes 5:12

Tam-is ang pagkatulog sa usa ka mamumuo, mokaon man siya ug diyotay o daghan, apan ang pagkabuhong sa adunahan dili motugot kaniya sa pagkatulog.

Oseas 9:9

Sa hilabihan gayod gihugawan nila ang ilang kaugalingon, sama sa mga adlaw sa Gibea; hinumdoman niya ang ilang pagkadaotan, silotan niya ang ilang kasal-anan.

Mga Taga-Efeso 4:28

Ang kawatan kinahanglang dili na mangawat, kondili maghago hinuon, magbuhat sa mga maayong butang pinaagi sa iyang mga kamot aron may ikahatag siya ngadto sa mga nagkinahanglan.

2 Mga Taga-Tesalonica 3:10

Kay bisan gani sa diha pa kami uban kaninyo, among gihatag kaninyo kining maong sugo: Kon adunay dili buot mobuhat, ayaw siya pakan-a.

Mga Maghuhukom 19:1

Niadtong mga adlawa, sa diha nga walay hari sa Israel, may usa ka Levihanon nga nagpuyo sa layong dapit sa kabungtoran sa Efraim nga nagbaton alang kaniya ug usa ka puyopuyo gikan sa Betlehem sa Juda.

Mga Maghuhukom 19:14

Busa nanglakaw sila ug mipadayon sa ilang panaw ug nasalopan sila sa adlaw duol sa Gibea nga iya ni Benjamin.

Mga Maghuhukom 19:15

Ug mihapit sila didto aron mosulod ug magpalabay sa kagabhion didto sa Gibea. Ug misulod siya ug milingkod didto sa plasa sa siyudad kay wala may tawo nga midapit kanila sa pagpahigda sa iyang balay.

Mga Maghuhukom 19:17

Ug giyahat niya ang iyang mga mata ug nakita niya ang langyaw nga tawo didto sa plasa sa siyudad ug ang tigulang nga tawo miingon, “Asa man ikaw paingon ug diin ikaw gikan?”