Mga Maghuhukom 18:12

Ang Biblia 2011

Ug sila mitungas ug nagkampo didto sa Kiriat-jearim sa Juda. Tungod niana, kadtong dapita gitawag nila ug Mahane-dan hangtod niining adlawa. Anaa kini sa kasadpang bahin sa Kiriat-jearim.

Cross References

2 Cronicas 1:4

Apan gidala ni David ang sudlanan sa kasabotan sa Dios gikan sa Kiriat-jearim ngadto sa dapit nga giandam ni David alang niini kay siya nagpabarog ug usa ka tolda alang niini didto sa Jerusalem.

Josue 15:60

Ang Kiriat-baal nga mao ang Kiriat-jearim ug ang Raba, duha ka siyudad, lakip ang mga balangay niini.

Josue 15:9

Ug ang utlanan miabot gikan sa tumoy sa bukid ngadto sa tubod sa mga katubigan sa Neftoa ug migula ngadto sa mga siyudad sa Bukid sa Efron. Ug ang utlanan miliko ngadto sa Baala (nga mao ang Kiriat-jearim).

Josue 9:17

Busa ang katawhan sa Israel migikan ug nakaabot sa ilang mga siyudad sa ikatulong adlaw. Karon ang ilang mga siyudad mao ang Gibeon, ug ang Chefira, ang Beerot ug ang Kiriat-jearim.

Mga Maghuhukom 13:25

Ug ang Espiritu sa Ginoo nagsugod sa paglihok kaniya didto sa Mahane-dan, sa taliwala sa Zora ug Estaol.

Mga Maghuhukom 18:11

Unom ka gatos ka tawo sa banay ni Dan nga sangkap sa hinagiban sa gubat ang nanglakaw gikan sa Zora ug Estaol.

Mga Maghuhukom 18:13

Ug sila nangagi gikan didto ngadto sa kabungtoran sa Efraim ug nangabot sa balay ni Mikeas.

1 Samuel 6:21

Busa nagpadala sila ug mga sinugo sa mga nagpuyo sa Kiriat-jearim nga nag-ingon, “Giuli sa mga Filistihanon ang sudlanan sa kasabotan sa Ginoo. Lugsong kamo ug kuhaa ninyo kini.”

1 Samuel 7:1

Ug ang mga tawo sa Kiriat-jearim nangadto ug gikuha ang sudlanan sa kasabotan sa Ginoo, ug gidala kini ngadto sa balay ni Abinadab nga didto sa bungtod. Ilang gibalaan ang iyang anak nga lalaki nga si Eleasar aron sa pagbantay sa sudlanan sa kasabotan sa Ginoo.