Mga Maghuhukom 18:10

Ang Biblia 2011

Sa diha nga mangadto kamo, moabot kamo sa usa ka katawhan nga walay pagduda. Ang yuta dako ug ang Dios naghatag niana nganha sa inyong kamot, usa ka dapit diin walay makulang sa bisan unsang butang sa kalibotan.”

Cross References

Exodo 3:8

Busa nanaog ako sa pagluwas kanila gikan sa kamot sa mga Ehiptohanon, ug sa pagkuha kanila gikan niadtong yutaa ngadto sa usa ka maayo ug lapad nga yuta, sa yuta diin nag-agas ang gatas ug dugos, sa mga dapit sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Ezequiel 20:6

Niadtong adlawa ako nanumpa kanila nga dad-on nako sila gikan sa yuta sa Ehipto, ngadto sa usa ka yuta nga akong nasusi alang kanila, yuta diin nag-agas ang gatas ug dugos, ang labing mahimayaon sa tanang mga yuta.

Deuteronomio 2:29

sama sa gibuhat kanako sa mga kaliwat ni Esau nga nagpuyo sa Seir ug sa mga Moabihanon nga nagpuyo sa Ar, hangtod nga motabok ako sa Jordan ngadto sa yuta nga gihatag kanamo sa Ginoo nga among Dios.’

Deuteronomio 4:1

“Ug karon, O Israel, tumana ang mga lagda ug ang mga tulumanon nga akong gitudlo kaninyo, ug buhata kini aron mabuhi kamo, ug mosulod ug manag-iya sa yuta nga gihatag kaninyo sa Ginoo, ang Dios sa inyong mga katigulangan.

1 Timoteo 6:17

Sa mga dato niining panahona karon, sugoa sila nga dili magpataas sa ilang kaugalingon o magbutang sa ilang paglaom diha sa walay kasigurohan nga mga bahandi, kondili diha sa Dios nga madagayaong naghatag kanato sa tanang butang alang sa atong kalipay.

Josue 2:23

Unya ang duha ka tawo milugsong pag-usab gikan sa bukid ug nanabok ug nangadto kang Josue nga anak ni Nun, ug ilang gisugilon kaniya ang tanang nahitabo kanila.

Josue 2:24

Ug sila miingon kang Josue, “Tinuod gayod nga ang tibuok yuta gihatag sa Ginoo sa atong mga kamot ug dugang pa, ang tanang nagpuyo sa yuta didto nangahadlok tungod kanato.”

Josue 6:16

Ug sa ikapitong higayon, sa pagpatingog sa mga pari sa mga trumpeta, si Josue miingon sa katawhan, “Paninggit kamo kay ang Ginoo naghatag kaninyo sa siyudad.

Mga Maghuhukom 18:11

Unom ka gatos ka tawo sa banay ni Dan nga sangkap sa hinagiban sa gubat ang nanglakaw gikan sa Zora ug Estaol.

Mga Maghuhukom 18:27

Ug dinala ang mga binuhat ni Mikeas ug ang iyang pari, ang mga Danihanon miadto sa Lais, ngadto sa katawhan nga malinawon ug dili madudahon, ug gipamatay nila sila pinaagi sa sulab sa espada ug gisunog sa kalayo ang siyudad.

Mga Maghuhukom 18:7

Unya ang lima ka tawo mibiya ug miadto sa Lais ug nakakita sa mga tawo nga atua didto nga maayo ang pagkabutang sa ilang pagpuyo, sama sa kahimtang sa mga Sidonhanon. Malinawon ug walay gubot, wala makulangi ug bisan unsa nga anaa sa yuta ug nakapanag-iya ug bahandi ug layo sa mga Sidonhanon ug walay pakigsandurot uban ni bisan kinsa.

Mga Maghuhukom 18:9

Sila miingon, “Pangandam kamo ug mangadto kita batok kanila kay nakita na namo ang yuta ug tabunok kaayo kini. Wala ba kamoy buhaton? Ayaw kamo pagdugaydugay sa pag-adto ug sa pagsulod aron sa pagpanag-iya sa yuta.