Mga Maghuhukom 17:6

Ang Biblia 2011

Niadtong mga adlawa walay hari sa Israel, ang matag tawo nagbuhat sa unsay matarong sumala sa iyang kaugalingong mga mata.

Cross References

Genesis 36:31

Mao kini ang mga hari nga naghari sa yuta sa Edom, sa wala pa maghari ang usa ka hari sa ibabaw sa mga Israelinhon.

Salmo 12:4

kadtong nag-ingon, “Pinaagi sa among dila mopatigbabaw kami, ang among mga ngabil ania kanamo; kinsa ba ang among agalon?”

Mga Panultihon 12:15

Ang dalan sa usa ka buangbuang matarong sa iyang kaugalingong mga mata, apan ang maalamon nga tawo mamati ug tambag.

Mga Panultihon 14:12

Adunay dalan nga daw matarong alang sa usa ka tawo, apan ang kataposan niini mao ang dalan ngadto sa kamatayon.

Mga Panultihon 16:2

Ang tanang mga pamaagi sa tawo putli diha sa iyang kaugalingong mga mata, apan ang Ginoo nagtimbang sa espiritu.

Ecclesiastes 11:9

Paglipay, O batan-ong lalaki, sa imong pagkabatan-on, ug itugot nga ang imong kasingkasing magdasig kanimo sa mga adlaw sa imong pagkabatan-on. Lakaw diha sa mga pamaagi sa imong kasingkasing ug sa panan-aw sa imong mga mata. Apan hibaloi nga niining tanang mga butang, ang Dios maghukom kanimo.

Deuteronomio 12:8

Ayaw ninyo buhata ang tanan nga atong gibuhat dinhi niining adlawa, nga ang matag tawo nagbuhat sa bisan unsa nga matarong sa iyang kaugalingong mga mata.

Deuteronomio 33:5

Siya nahimong hari sa Jesurun, sa diha nga natigom ang mga pangulo sa katawhan, ang tanang mga banay sa Israel natigom.

Mga Maghuhukom 18:1

Niadtong mga adlawa walay hari sa Israel. Ug niadtong mga adlawa ang banay sa mga Danihanon nangita ug usa ka panulundon aron kapuy-an, kay hangtod niadtong adlawa walay panulundon sa mga banay sa Israel nga nahiadto kanila.

Mga Maghuhukom 19:1

Niadtong mga adlawa, sa diha nga walay hari sa Israel, may usa ka Levihanon nga nagpuyo sa layong dapit sa kabungtoran sa Efraim nga nagbaton alang kaniya ug usa ka puyopuyo gikan sa Betlehem sa Juda.

Mga Maghuhukom 21:25

Niadtong mga adlawa walay hari sa Israel, ang matag tawo naghimo sa unsay matarong diha sa iyang mga mata.

Mga Maghuhukom 21:3

Ug sila miingon, “O Ginoo, ang Dios sa Israel, nganong nahitabo man kini sa Israel, nga niining adlawa may usa ka banay nga nawala sa Israel?”