Mga Maghuhukom 17:4

Ang Biblia 2011

Sa diha nga iyang giuli ang plata ngadto sa iyang inahan, ang iyang inahan mikuha ug duha ka gatos ka buok plata ug gihatag kini ngadto sa platero ug gihimo kini nga kinulit nga larawan ug tinunaw nga larawan, ug kini didto sa balay ni Mikeas.

Cross References

Isaias 30:22

Unya imong bulingan ang imong kinulit nga mga larawan nga sinapawan ug plata, ug ang imong mga larawan nga tinunaw nga gisapawan ug bulawan. Isalibay nimo kini ingon nga hugaw nga mga butang; ikaw moingon niini, “Pahawa kamo!”

Isaias 44:13

Ang panday magpahiluna sa usa ka latid, ug badlisan niya kini sa usa ka lapis; hinloan niya kini sa mga sepilya, ug badlisan niya kini sa kompas, ug hulmahon niya kini sama sa dagway sa usa ka tawo, sumala sa katahom sa usa ka tawo, aron magpuyo sa sulod sa usa ka balay.

Habacuc 2:18

Unsa ang kapuslanan sa diosdios kon ang tighimo nagkulit niini, sa tinunaw nga larawan, magtutudlo sa kabakakan? Kay ang tighimo nagsalig sa iyang kaugalingong binuhat sa dihang naghimo siya ug mga amang nga diosdios!

Deuteronomio 27:15

“ ‘Tinunglo ang tawo nga magbuhat ug larawan nga kinulit o tinunaw, butang nga dulumtanan sa Ginoo, butang nga binuhat sa kamot sa hanas nga tigpamuhat ug magbutang niini sa tago!’ Ug ang tanang katawhan mag-ingon, ‘Amen!’

Mga Maghuhukom 17:3

Ug iyang giuli ang napulo ug usa ka gatos ka buok salaping plata ngadto sa iyang inahan ug ang iyang inahan miingon, “Akong ihalad ang salaping plata ngadto sa Ginoo gikan sa akong kamot alang sa akong anak, aron buhaton nga larawan nga kinulit ug larawan nga tinunaw.”

Mga Maghuhukom 17:5

Ug ang tawo nga si Mikeas may usa ka balay sa mga dios, ug naghimo siya ug usa ka ephod ug gagmayng mga larawan ug mihimo sa usa sa iyang mga anak nga lalaki nga iyang pari.

Mga Maghuhukom 18:17

Ug ang lima ka tawo nga miadto aron sa pagsusi sa yuta misaka ug misulod ug gikuha nila ang kinulit nga larawan, ang ephod, ang gagmayng mga larawan, ug ang larawan nga tinunaw samtang ang pari nagtindog didto sa ganghaan uban ang unom ka gatos ka tawo nga sangkap sa mga hinagiban sa gubat.