Mga Maghuhukom 17:3

Ang Biblia 2011

Ug iyang giuli ang napulo ug usa ka gatos ka buok salaping plata ngadto sa iyang inahan ug ang iyang inahan miingon, “Akong ihalad ang salaping plata ngadto sa Ginoo gikan sa akong kamot alang sa akong anak, aron buhaton nga larawan nga kinulit ug larawan nga tinunaw.”

Cross References

2 Cronicas 33:7

Ang larawan sa diosdios nga iyang gihimo iyang gipahimutang diha sa balay sa Dios, nga tungod niana ang Dios misulti kang David ug kang Solomon nga iyang anak, “Niining balaya ug sa Jerusalem nga akong gipili gikan sa tanang mga banay sa Israel, ibutang nako ang akong ngalan hangtod sa kahangtoran.

Exodo 20:23

Ayaw kamo pagbuhat ug mga diosdios nga hinimo ug plata uban kanako o magbuhat alang kaninyo ug mga diosdios nga hinimo ug bulawan.

Exodo 20:4

“Ayaw pagbuhat alang kanimo ug usa ka larawan nga kinulit sama sa dagway sa bisan unsang butang nga atua sa langit sa itaas, o nga ania sa yuta sa ilalom, o nga anaa sa tubig sa ilalom sa yuta.

Exodo 34:17

“Ayaw kamo pagbuhat ug tinunaw nga mga diosdios.

Isaias 30:22

Unya imong bulingan ang imong kinulit nga mga larawan nga sinapawan ug plata, ug ang imong mga larawan nga tinunaw nga gisapawan ug bulawan. Isalibay nimo kini ingon nga hugaw nga mga butang; ikaw moingon niini, “Pahawa kamo!”

Isaias 66:3

“Siya nga nagpatay ug usa ka baka sama kaniya nga nagpatay ug usa ka tawo; siya nga naghalad ug usa ka nating karnero sama kaniya nga naglunggo sa liog sa usa ka iro; siya nga naghalad ug halad nga pagkaon sama kaniya nga naghalad ug dugo sa baboy; siya nga naghalad ug insenso alang sa paghandom sama kaniya nga nagpanalangin ug usa ka diosdios. Kini sila nagpili sa ilang kaugalingong mga pamaagi, ug ang ilang kalag nahimuot sa ilang kaugalingong mga dulumtanan;

Jeremias 10:8

Sila mga hungog ug buangbuang; ang pagtulun-an sa mga diosdios mga kahoy lamang!

Levitico 19:4

Ayaw kamo pagdangop ngadto sa mga larawan ug ayaw usab kamo pagbuhat alang kaninyo ug mga dios nga tinunaw. Ako mao ang Ginoo nga inyong Dios.

Juan 16:2

Hinginlan kamo nila gikan sa mga sinagoga. Sa pagkatinuod, ang panahon moabot nga ang mopatay kaninyo maghunahuna nga siya naghalad ug pagsimba sa Dios.

Deuteronomio 12:3

Ug gun-oba ninyo ang ilang mga halaran ug dugmoka ninyo ang ilang mga haliging bato ug sunoga ninyo sa kalayo ang ilang mga Asera ug dugmoka ninyo ang kinulit nga larawan sa ilang mga dios ug laglaga ninyo ang ilang ngalan gikan niadtong dapita.

Deuteronomio 27:15

“ ‘Tinunglo ang tawo nga magbuhat ug larawan nga kinulit o tinunaw, butang nga dulumtanan sa Ginoo, butang nga binuhat sa kamot sa hanas nga tigpamuhat ug magbutang niini sa tago!’ Ug ang tanang katawhan mag-ingon, ‘Amen!’

Mga Maghuhukom 17:13

Unya si Mikeas miingon, “Karon nahibalo ako nga ang Ginoo magbuhat ug maayo kanako kay ako adunay usa ka Levihanon ingon nga pari.”

Mga Maghuhukom 17:2

Ug siya miingon sa iyang inahan, “Ang napulo ug usa ka gatos ka buok salaping plata nga gikuha gikan kanimo, nga mahitungod niini ikaw namulong ug usa ka tunglo, ug misulti usab ikaw niini sa akong mga dalunggan, tan-awa ang salapi ania kanako. Gikuha nako kini.” Ug ang iyang inahan miingon, “Panalanginan unta sa Ginoo ang akong anak.”

Mga Maghuhukom 17:4

Sa diha nga iyang giuli ang plata ngadto sa iyang inahan, ang iyang inahan mikuha ug duha ka gatos ka buok plata ug gihatag kini ngadto sa platero ug gihimo kini nga kinulit nga larawan ug tinunaw nga larawan, ug kini didto sa balay ni Mikeas.

Mga Maghuhukom 18:30

Unya gipatindog sa mga Danihanon ang kinulit nga larawan alang sa ilang kaugalingon, ug si Jonatan nga anak ni Gersom nga anak ni Moises, ug ang iyang mga anak nga lalaki nahimong mga pari sa banay sa mga Danihanon hangtod sa adlaw sa pagkabihag sa yuta.

Mga Maghuhukom 18:5

Ug sila miingon kaniya, “Pangutan-a ang Dios aron kami mahibalo kon ang among panaw molampos ba.”