Mga Maghuhukom 16:6

Ang Biblia 2011

Ug si Delaila miingon kang Samson, “Suginli ako kon diin magsukad ang imong dakong kusog ug unsaon ikaw paggapos aron usa ka tawo makabuntog kanimo.”

Cross References

Nehemias 6:4

Ug ila akong gipasugoan sa makaupat niining paagiha ug gitubag nako sila sa mao gihapon nga paagi.

Salmo 12:2

Ang matag usa nagsulti ug bakak ngadto sa iyang silingan; uban sa ngabil nga nag-ulog-ulog ug sa kasingkasing nga palingpaling, sila nagsulti.

Mga Panultihon 22:14

Ang baba sa mananapaw nga babaye usa ka lawom nga gahong; siya nga gikapungtan sa Ginoo mahulog ngadto niini.

Mga Panultihon 26:28

Ang usa ka bakakon nga dila nagdumot sa nasakitan niini, ug ang usa ka ulog-ulogan nga baba nagbuhat ug kalaglagan.

Mga Panultihon 6:26

kay ang usa ka babaye nga nagbaligya sa iyang dungog mahimong suholan ug usa ka buok pan apan ang babayeng mananapaw mangita sa bililhon nga kinabuhi sa usa ka tawo.

Mga Panultihon 7:21

Pinaagi sa iyang madanihon nga mga pulong iyang danihon siya; pinaagi sa iyang mauloulohon nga pagsulti iyang pugson siya.

Miqueas 7:2

Ang tawo nga diosnon nahanaw gikan sa yuta, ug walay usa nga matarong taliwala sa mga tawo; silang tanan nangatang alang sa dugo, ang matag usa kanila nag-ayam sa iyang igsoon pinaagi sa pukot.

Miqueas 7:5

Ayaw pagsalig sa imong silingan, ayaw kamo pagsalig sa usa ka higala; bantayi ang pultahan sa imong baba gikan kaniya nga nagpauraray sa imong dughan;

Mga Maghuhukom 14:17

Siya mihilak sa iyang atubangan sulod sa pito ka adlaw sa ilang kombira. Sa ikapito nga adlaw, siya misugilon kaniya tungod kay gipugos man gayod siya pag-ayo. Ug iyang gisugilon ang tigmo ngadto sa iyang mga katagilungsod.

Mga Maghuhukom 16:5

Ug ang mga pangulo sa mga Filistihanon miadto kaniya ug miingon, “Ulo-ulohi siya ug tan-awa hain dapit ang iyang dakong kusog, ug sa unsang paagi nga kita makabuntog kaniya aron atong magapos siya sa paglupig kaniya. Ug maghatag kanimo ang matag usa kanamo ug napulo ug usa ka gatos ka salaping plata.”

Mga Maghuhukom 16:7

Ug si Samson miingon kaniya, “Kon gapuson ako sa pito ka bag-ong higot sa pana nga wala pa mauga mahimo ako nga luya ug mahisama sa ubang tawo.”