Mga Maghuhukom 16:2

Ang Biblia 2011

Ang mga Gazahanon gisuginlan, “Si Samson mianhi.” Ug ilang gilibotan ang dapit ug giatngan siya sa tibuok gabii didto sa ganghaan sa siyudad. Naghilom sila sa tibuok gabii nga nag-ingon, “Magpaabot kita hangtod sa kabuntagon unya patyon nato siya.”

Cross References

Mateo 21:38

Apan sa pagkakita sa mga saop sa anak, sila miingon sa ilang kaugalingon, ‘Mao kini ang manununod. Tana, patyon nato siya aron maato ang iyang panulondon.’

Mateo 27:1

Ug sa pagkabuntag na, ang tanang mga pangulong pari ug ang mga kadagkoan sa katawhan nagkasabot batok kang Jesus aron pahamtangan siya sa kamatayon.

Lucas 21:20

“Apan sa diha nga makita ninyo ang Jerusalem nga libotan sa mga kasundalohan, hibaloi nga ang iyang pagkapukan nagkaduol na.

Mga Buhat 23:15

Busa kamo, uban sa Sanhedrin, pahibaloa ninyo karon ang komandante nga kinahanglan iyang ipadala si Pablo nganha kaninyo nga kunohay magpakisayod pa kamo ug dugang pa gayod sa iyang kaso. Ug kami andam sa pagpatay kaniya sa dili pa siya makaduol.”

Mga Buhat 9:24

apan nahibaloan ni Saulo ang ilang plano. Nag-atang sila diha sa mga ganghaan adlaw ug gabii aron pagpatay kaniya.

Mga Maghuhukom 15:18

Ug giuhaw siya pag-ayo ug misangpit siya sa Ginoo, ug miingon, “Ikaw ang naghatag niining dakong kaluwasan pinaagi sa kamot sa imong ulipon, ug karon mamatay ba ako sa kauhaw ug mahulog sa kamot sa mga dili tinuli?”

Mga Maghuhukom 16:3

Apan si Samson natulog hangtod sa pagkatungang gabii, ug nianang pagkatugang gabii, siya mibangon ug gikuptan ang mga pultahan sa ganghaan sa siyudad ug ang duha ka haligi, ug giibot kini, ang trangka ug ang tanan, ug gipas-an kini ngadto sa tumoy sa bukid tupad sa Hebron.

1 Samuel 19:11

Si Saul nagpadala ug mga sinugo ngadto sa balay ni David aron sa pagbantay kaniya ug sa pagpatay kaniya sa pagkabuntag. Apan si Mical nga asawa ni David, misulti kaniya, “Kon dili nimo luwason ang imong kinabuhi karong gabhiona patyon ikaw ugma.”

1 Samuel 23:26

Si Saul miadto sa pikas nga bahin sa bukid, ug si David ug ang iyang mga tawo sa pikas nga bahin sa bukid, ug si David nagdali sa pagpalayo gikan kang Saul, kay si Saul ug ang iyang mga tawo naglibot kang David ug sa iyang mga tawo aron sa pagdakop kanila.