Mga Maghuhukom 16:14

Ang Biblia 2011

Busa samtang natulog siya, gisalapid ni Delaila ug pito ka hugpong sa iyang buhok ug gihugtan kini pinaagi sa kimpit ug miingon kaniya, “Ang mga Filistihanon anaa na kanimo, Samson!” Apan nakamata siya gikan sa iyang pagkatulog ug iyang gibunlot ang kimpit, ang hablanan ug ang sinapid.

Cross References

Salmo 106:43

Sa makadaghan giluwas niya sila, apan sila nagmasinupakon diha sa ilang katuyoan, ug sila gipaubos tungod sa ilang kalapasan.

Mga Maghuhukom 16:13

Unya si Delaila miingon kang Samson, “Hangtod karon imo akong gibugalbugalan ug imong gibakakan. Suginli ako kon unsaon paggapos kanimo.” Ug siya miingon kaniya, “Kon imong salapiron ug pito ka hugpong sa buhok sa akong ulo ug hugton kini pinaagi sa kimpit, maluya ako ug mahisama sa ubang tawo.”

Mga Maghuhukom 16:15

Ug si Delaila miingon kaniya, “Unsaon nimo sa pag-ingon, ‘Ako nahigugma kanimo,’ kon ang imong kasingkasing wala kanako? Imo akong gibugalbugalan sa makatulo ug wala ikaw mosugilon kanako kon diin magsukad ang imong dakong kusog.”