Mga Maghuhukom 16:13

Ang Biblia 2011

Unya si Delaila miingon kang Samson, “Hangtod karon imo akong gibugalbugalan ug imong gibakakan. Suginli ako kon unsaon paggapos kanimo.” Ug siya miingon kaniya, “Kon imong salapiron ug pito ka hugpong sa buhok sa akong ulo ug hugton kini pinaagi sa kimpit, maluya ako ug mahisama sa ubang tawo.”

Cross References

Mga Maghuhukom 14:17

Siya mihilak sa iyang atubangan sulod sa pito ka adlaw sa ilang kombira. Sa ikapito nga adlaw, siya misugilon kaniya tungod kay gipugos man gayod siya pag-ayo. Ug iyang gisugilon ang tigmo ngadto sa iyang mga katagilungsod.

Mga Maghuhukom 16:10

Unya si Delaila miingon kang Samson, “Tan-awa, imo akong gibugalbugalan ug gisultihan ug mga bakak. Suginli ako kon unsaon ikaw paggapos.”

Mga Maghuhukom 16:12

Busa si Delaila mikuha ug mga bag-ong pisi ug gigapos siya pinaagi niini ug miingon kaniya, “Samson, ang mga Filistihanon anaa padulong kanimo!” Ang mga tawo nga naghulat nagtago didto sa sulod sa lawak. Ug kini iyang gipamugto sa iyang mga bukton sama sa hilo.

Mga Maghuhukom 16:14

Busa samtang natulog siya, gisalapid ni Delaila ug pito ka hugpong sa iyang buhok ug gihugtan kini pinaagi sa kimpit ug miingon kaniya, “Ang mga Filistihanon anaa na kanimo, Samson!” Apan nakamata siya gikan sa iyang pagkatulog ug iyang gibunlot ang kimpit, ang hablanan ug ang sinapid.