Mga Maghuhukom 16:11

Ang Biblia 2011

Ug si Samson miingon kaniya, “Kon gapuson ako nila sa mga bag-ong pisi nga wala pa magamit, maluya ako ug mahisama sa ubang tawo.”

Cross References

Mga Panultihon 13:3

Siya nga nagbantay sa iyang baba nag-amping sa iyang kinabuhi; siya nga nagbuka ug dako sa iyang mga ngabil modangat sa kalaglagan.

Mga Panultihon 13:5

Ang usa ka tawo nga matarong nagdumot sa pagpamakak, apan ang daotang tawo nagbuhat sa makauulaw ug talamayon.

Mga Panultihon 29:25

Ang kahadlok sa tawo nagbutang ug usa ka lit-ag, apan siya nga nagsalig sa Ginoo layo sa kakuyaw.

Mga Taga-Efeso 4:25

Tungod niini, sa mahukas na ninyo ang bakak, ang matag usa kaninyo kinahanglang magsulti sa kamatuoran ngadto sa iyang isigkatawo, kay kita mga bahin man sa usa ug usa.

Mga Maghuhukom 15:13

Ug sila miingon kaniya, “Dili, gaposon lamang ikaw namo ug itugyan ngadto sa ilang mga kamot, dili ikaw namo patyon.” Ug ilang gigapos siya sa duha ka bag-ong pisi ug gidala siya gikan sa pangpang.

Mga Maghuhukom 16:10

Unya si Delaila miingon kang Samson, “Tan-awa, imo akong gibugalbugalan ug gisultihan ug mga bakak. Suginli ako kon unsaon ikaw paggapos.”

Mga Maghuhukom 16:12

Busa si Delaila mikuha ug mga bag-ong pisi ug gigapos siya pinaagi niini ug miingon kaniya, “Samson, ang mga Filistihanon anaa padulong kanimo!” Ang mga tawo nga naghulat nagtago didto sa sulod sa lawak. Ug kini iyang gipamugto sa iyang mga bukton sama sa hilo.