Mga Maghuhukom 15:5

Ang Biblia 2011

Ug sa diha nga gidagkotan na niya ang mga sulo, iyang gibuhian ang mga milo ngadto sa mga nagbarog nga mga trigo sa mga Filistihanon ug nasunog ang tinapok nga inani ug ang nagbarog nga mga trigo ug lakip usab ang mga kaolibohan.

Cross References

2 Samuel 14:30

Unya siya miingon sa iyang mga sulugoon, “Tan-awa, ang uma ni Joab kasikbit sa akoa ug siya may sebada didto, lakaw ug sunoga kini.” Busa ang uma gisunog sa mga sulugoon ni Absalom.

Exodo 22:6

“Kon may sunog ug kini mokatay ngadto sa kasampinitan nga tungod niini ang pinundok nga uhay o ang uhay nga nagtindog o ang tibuok nga uma masunog, ang nagduslit sa kalayo kinahanglang mobayad gayod.

Exodo 23:11

apan sa ikapitong tuig papahulayon ninyo kini ug pasagdan nga walay pugas, aron ang mga kabos sa inyong katawhan makakaon, ug unsay mahibilin nila maoy kaonon sa mga ihalas nga mananap. Buhata usab ninyo kini sa inyong parasan ug sa inyong olibo.

Mga Maghuhukom 15:4

Ug si Samson milakaw ug nanakop ug tulo ka gatos ka milo ug mikuha ug mga sulo ug gihiktan sa tinagurha ang ilang mga ikog ug gibutangan ug sulo sa taliwala sa duha ka ikog.

Mga Maghuhukom 15:6

Unya ang mga Filistihanon miingon, “Kinsay naghimo niini?” Ug sila miingon, “Si Samson nga umagad sa taga-Timna tungod kay gikuha sa iyang ugangan ang asawa ni Samson ug gihatag ngadto sa iyang kauban.” Ug ang mga Filistihanon mitungas, ug gisunog sa kalayo ang babaye ug ang iyang amahan.