Mga Maghuhukom 15:3

Ang Biblia 2011

Ug si Samson miingon kanila, “Niining panahona ako walay sala sa mga Filistihanon kon ako maghimo kanila ug daotan.”

Cross References

2 Samuel 14:30

Unya siya miingon sa iyang mga sulugoon, “Tan-awa, ang uma ni Joab kasikbit sa akoa ug siya may sebada didto, lakaw ug sunoga kini.” Busa ang uma gisunog sa mga sulugoon ni Absalom.

Mga Maghuhukom 14:15

Sa ikapito nga adlaw sila miingon sa asawa ni Samson, “Ulo-ulohi ang imong bana aron motug-an kanamo sa tigmo, aron dili ikaw namo sunogon sa kalayo ug ang balay sa imong amahan. Gidapit ba nimo kami dinhi aron mangahimo kaming kabos?”

Mga Maghuhukom 14:4

Ang iyang amahan ug ang iyang inahan wala mahibalo nga kadto gikan sa Ginoo, kay siya nangita ug usa ka higayon batok sa mga Filistihanon. Niadtong panahona ang mga Filistihanon naggahom ibabaw Israel.

Mga Maghuhukom 15:2

Ug ang iyang amahan miingon, “Ako sa pagkatinuod naghunahuna nga ikaw nagdumot gayod kaniya busa gihatag nako siya sa imong kauban. Dili ba ang iyang manghod nga babaye labaw pang maanyag kay kaniya? Kuhaa siya ingon nga puli.”

Mga Maghuhukom 15:4

Ug si Samson milakaw ug nanakop ug tulo ka gatos ka milo ug mikuha ug mga sulo ug gihiktan sa tinagurha ang ilang mga ikog ug gibutangan ug sulo sa taliwala sa duha ka ikog.