Mga Maghuhukom 13:8

Ang Biblia 2011

Unya si Manoa nagpakiluoy sa Ginoo ug miingon, “O Ginoo, ako nag-ampo kanimo, himoa nga ang tawo sa Dios nga imong gipadala makaanhi kanamo pag-usab, ug magtudlo kanamo kon unsay buhaton namo sa bata nga matawo.”

Cross References

Job 34:32

tudloi ako sa wala nako makita: kon nakasala ako dili na kini nako buhaton pa’?

Mga Buhat 9:6

Apan bangon ug sulod sa siyudad ug didto sultihan ikaw kon unsay kinahanglan nimong buhaton.”

Mga Maghuhukom 13:11

Ug si Manoa mitindog ug misunod sa iyang asawa ug miduol sa tawo, ug miingon kaniya, “Ikaw ba ang tawo nga nakigsulti niining babaye?” Ug siya miingon, “Ako kadto.”

Mga Maghuhukom 13:3

Ug ang anghel sa Ginoo mipakita sa babaye, ug miingon kaniya, “Tan-awa, ikaw dili makaanak ug walay anak apan magsamkon ikaw ug manganak ug usa ka anak nga lalaki.

Mga Maghuhukom 13:6

Unya ang babaye miadto ug misugilon sa iyang bana, “Usa ka tawo sa Dios mianhi kanako ug ang iyang dagway sama sa dagway sa anghel sa Dios, makalilisang kaayo; wala ako mangutana kaniya kon diin siya gikan, ug wala siya mosulti kanako sa iyang ngalan.

Mga Maghuhukom 13:7

Apan siya miingon kanako, ‘Tan-awa, magsamkon ikaw ug manganak ug usa ka anak nga lalaki ug karon ayaw na pag-inom ug bino o isog nga ilimnon ug ayaw pagkaon sa hugaw nga pagkaon, kay ang bata mahimong usa ka Nazareo ngadto sa Dios sukad sa pagkatawo hangtod sa adlaw sa iyang kamatayon.’ ”

Mga Maghuhukom 13:9

Ug ang Dios namati sa tingog ni Manoa, ug ang anghel sa Dios miadto pag-usab sa babaye sa dihang naglingkod siya didto sa uma, apan si Manoa nga iyang bana wala mauban kaniya.