Mga Maghuhukom 13:7

Ang Biblia 2011

Apan siya miingon kanako, ‘Tan-awa, magsamkon ikaw ug manganak ug usa ka anak nga lalaki ug karon ayaw na pag-inom ug bino o isog nga ilimnon ug ayaw pagkaon sa hugaw nga pagkaon, kay ang bata mahimong usa ka Nazareo ngadto sa Dios sukad sa pagkatawo hangtod sa adlaw sa iyang kamatayon.’ ”

Cross References

Jeremias 35:6

Apan sila mitubag, “Dili kami manginom ug bino, kay ang among amahan nga si Jonadab nga anak ni Rekab nagsugo kanamo, ‘Ayaw kamo pag-inom ug bino, kamo o ang inyong mga anak nga lalaki, hangtod sa kahangtoran;

Amos 2:11

Ug ako nagmatuto sa pipila sa inyong mga anak nga lalaki aron mahimong mga propeta, ug pipila sa inyong mga batan-ong lalaki aron mahimong mga Nazareo. Dili pa ba gayod kini igo, O katawhan sa Israel?” nag-ingon ang Ginoo.

Numeros 6:2

“Sultihi ang katawhan sa Israel: Sa diha nga ang usa ka lalaki o usa ka babaye maghimo ug pinasahi nga panumpa, ang panumpa sa Nazareo, aron sa paggahin sa iyang kaugalingon alang sa Ginoo,

Mga Maghuhukom 13:4

Busa karon, pagmatngon ug ayaw na pag-inom ug bino o isog nga ilimnon, ug ayaw pagkaon sa mga hugaw nga pagkaon.

Mga Maghuhukom 13:6

Unya ang babaye miadto ug misugilon sa iyang bana, “Usa ka tawo sa Dios mianhi kanako ug ang iyang dagway sama sa dagway sa anghel sa Dios, makalilisang kaayo; wala ako mangutana kaniya kon diin siya gikan, ug wala siya mosulti kanako sa iyang ngalan.

Mga Maghuhukom 13:8

Unya si Manoa nagpakiluoy sa Ginoo ug miingon, “O Ginoo, ako nag-ampo kanimo, himoa nga ang tawo sa Dios nga imong gipadala makaanhi kanamo pag-usab, ug magtudlo kanamo kon unsay buhaton namo sa bata nga matawo.”