Mga Maghuhukom 11:3

Ang Biblia 2011

Unya si Jefta mikagiw gikan sa iyang mga igsoon ug mipuyo sa yuta sa Tob ug didto natigom kang Jefta ang mga tawong walay pulos ug nanguban sila kaniya.

Cross References

2 Samuel 10:6

Sa diha nga ang mga Amonihanon nakakita nga sila nahimong dulumtanan kang David, ang mga Amonihanon nagpadala ug nanuhol sa mga Sirianhon sa Bet-rehob ug sa mga Sirianhon sa Zoba, 20 ka libo ka sundalo nga naglakaw, ug sa hari sa Maaca uban ang usa ka libo ka tawo, ug sa mga tawo sa Tob nga napulo ug duha ka libo ka tawo.

2 Samuel 10:8

Ug ang mga Amonihanon migula ug mipahiluna alang sa gubat didto sa agianan sa ganghaan, ug ang mga Sirianhon sa Zoba ug sa Rehob, ug ang katawhan sa Tob ug Maaca didto silang tanan sa kapatagan.

Mga Buhat 17:5

Apan ang mga Judio nasina, ug sa nakakuha sila ug mga bugoy sa merkado, ug nakapundok ug mga tawo, ilang gigubot ang siyudad. Ug ilang gisulong ang balay ni Jason sa pagpangita kang Pablo ug Silas aron ilang dad-on ngadto sa katawhan.

Mga Maghuhukom 11:2

Ug ang asawa ni Gilead nanganak kaniya ug mga anak nga lalaki, ug sa diha nga midako na ang mga anak nga lalaki sa iyang asawa, ilang gihinginlan si Jefta ug giingnan siya, “Ikaw dili makapanunod sa balay sa atong amahan kay ikaw anak man sa laing babaye.”

Mga Maghuhukom 9:4

Ug sila mihatag kaniya ug 70 ka buok salaping plata gikan sa balay ni Baal-berit, nga niini si Abimelek nagsuhol ug mga tawo nga walay pulos ug walay hinungdan, nga misunod kaniya.

1 Samuel 22:2

Ang matag usa nga adunay kasakit, ug ang matag usa nga adunay utang, ug ang matag usa nga adunay pagmulo naghugpong sa ilang kaugalingon ngadto kaniya ug siya nahimong pangulo nila, ug dihay mga upat ka gatos ka tawo uban kaniya.

1 Samuel 27:2

Busa si David mitindog ug mipadayon, siya ug ang unom ka gatos ka tawo nga uban kaniya, ngadto kang Akis nga anak ni Maoc ug hari sa Gat.