Mga Maghuhukom 10:6

Ang Biblia 2011

Unya ang katawhan sa Israel nagbuhat pag-usab ug daotan diha sa panan-aw sa Ginoo, ug nag-alagad sa mga Baal ug sa mga Astarot, sa mga dios sa Siria, sa mga dios sa Sidon, sa mga dios sa Moab, sa mga dios sa mga Amonihanon, ug sa mga dios sa mga Filistihanon. Ug ilang gisalikway ang Ginoo ug wala mag-alagad kaniya.

Cross References

1 Mga Hari 11:33

tungod kay ila akong gitalikdan, ug nagsimba sila kang Astarot nga diosa sa mga Sidonhanon, kang Camos nga dios sa Moab ug kang Milcom nga dios sa mga Amonihanon, ug wala sila maglakaw sa akong mga dalan, sa pagbuhat sa matarong diha sa akong panan-aw ug sa pagtuman sa akong mga lagda ug sa akong mga tulumanon, sama sa gihimo ni David nga iyang amahan.

1 Mga Hari 11:5

Kay si Solomon misimba kang Astarot, ang diosa sa mga Sidonhanon, ug kang Milcom, ang dulumtanan diha sa mga Amonihanon.

1 Mga Hari 11:7

Unya si Solomon nagtukod ug usa ka habog nga dapit alang kang Camos, ang dulumtanan diha sa Moab, ug alang kang Molec, ang dulumtanan diha sa mga Amonihanon, didto sa bungtod sa silangang dapit sa Jerusalem.

1 Mga Hari 16:31

Ug ingon ug usa lamang ka gaan nga butang alang kaniya ang paglakaw diha sa mga sala ni Jeroboam nga anak ni Nebat; iyang gipangasawa si Jesebel nga anak ni Etbaal nga hari sa mga Sidonhanon ug miadto ug nag-alagad kang Baal ug nagsimba kaniya.

2 Mga Hari 17:16

Ug ilang gisalikway ang tanang mga sugo sa Ginoo nga ilang Dios ug naghimo sila alang sa ilang kaugalingon ug duha ka tinunaw nga mga larawan sa nating baka ug naghimo sila ug usa ka Asera ug nagsimba sa tanang panon sa langit ug nag-alagad kang Baal.

2 Mga Hari 23:13

Gipasipalahan sa hari ang mga habog nga dapit nga diha sa silangan sa Jerusalem, dapit sa habagatan sa Bungtod sa Pagkadunot nga gitukod ni Solomon nga hari sa Israel alang kang Astarot nga dulumtanan nga iya sa mga Sidonhanon, ug alang kang Camos nga dulumtanan nga iya sa Moab ug alang kang Milcom nga dulumtanan nga iya sa mga Amonihanon.

2 Cronicas 28:23

Kay siya naghalad ngadto sa mga diosdios sa Damasco nga mibuntog kaniya ug siya miingon, “Tungod kay ang mga diosdios sa mga hari sa Siria mitabang kanila, ako maghalad ngadto kanila aron sila motabang kanako.” Apan sila mao ang nahimong kapildihan niya ug sa tibuok Israel.

Salmo 106:36

Mialagad sila sa ilang mga diosdios, nga nahimong lit-ag alang kanila.

Isaias 23:4

Pagbaton ug kaulaw, O Sidon, kay ang dagat nagsulti, ang kalig-on sa dagat nag-ingon, “Ako wala magbati o manganak. Wala ako mag-atiman ug mga batan-ong lalaki, o makamatuto ug mga batan-ong babaye.”

Jeremias 2:13

kay ang akong katawhan nakahimo ug duha ka kadaotan: sila mibiya kanako, ang tuboran sa mga tubig nga buhi, ug nagkalot ug mga tigomanan ug tubig alang sa ilang kaugalingon, mga tigomanan ug tubig nga may liki nga dili kasudlan ug tubig.

Jeremias 2:20

“Kay sa kanhing panahon gibali nimo ang imong yugo ug gibugto ang imong mga gapos ug ikaw miingon, ‘Dili ako moalagad.’ Kay sa matag habog nga bungtod, ug ilalom sa matag lunhaw nga kahoy ikaw miyukbo sama sa usa ka babayeng nagbaligya sa iyang dungog.

Jeremias 32:23

ug sila misulod ug nanag-iya niini. Apan wala sila motuman sa imong tingog o maglakaw subay sa imong Balaod. Wala sila magbuhat sa tanan nga gisugo nimo kanila nga buhaton. Busa gihimo nimo kining tanan nga kadaotan nga moabot kanila.

Ezequiel 27:16

Ang Edom nakigpatigayon kanimo tungod sa kadaghan sa imong mga baligya. Ilang gibayloan ang imong mga baligya sa mga esmeralda, panaptong tapol, ug mga binurdahang buhat ug pino nga lino, gasang ug rubi.

Deuteronomio 13:6

“Kon ang imong igsoong lalaki nga anak sa imong inahan o ang imong anak nga lalaki, o ang imong anak nga babaye, o ang asawa nga imong gihigugma o ang imong higala nga sama sa imong kaugalingon, nagdani kanimo sa tago nga mag-ingon, ‘Mangadto kita ug mag-alagad sa lain nga mga dios’ nga wala mailhi nimo ug sa imong katigulangan,

Deuteronomio 13:8

ayaw padani kaniya, o pamati kaniya o magpakita kaniya sa imong kaluoy, o magpalingkawas o manalipod kaniya.

Deuteronomio 31:16

Unya ang Ginoo miingon kang Moises, “Tan-awa, hapit na ikaw mopahulay uban sa imong mga amahan unya kining katawhan mosimba sa laing mga dios sa yuta nga maoy ilang adtoan aron makig-uban kanila, ug sila mobiya kanako ug molapas sa akong kasabotan nga gibuhat nako uban kanila.

Deuteronomio 31:17

Unya ang akong kapungot mosilaob batok kanila nianang adlawa ug ako mobiya kanila, ug tagoon nako ang akong nawong gikan kanila ug mangalaglag sila. Ug daghang kadaotan ug mga kagul-anan ang moabot kanila nga tungod niana moingon sila nianang adlawa, ‘Dili ba nga miabot kanato kining kadaotan tungod kay ang atong Dios wala mag-uban kanato?’

Deuteronomio 32:15

“Apan mitambok ang Jesurun ug nanindak; mitambok ikaw, midako ikaw, mihapsay ikaw. Unya mibiya siya sa Dios nga nagbuhat kaniya, ug gitamay niya ang Bato sa iyang kaluwasan.

Josue 13:31

ug ang katunga sa Gilead, ang Astarot, ang Edrei, ang mga siyudad sa gingharian ni Og, didto sa Basan. Gihatag kini ngadto sa katawhan ni Makir nga anak ni Manases, sa katunga sa mga Makirhanon sumala sa ilang mga panimalay.

Mga Maghuhukom 10:5

Ug si Jair namatay ug gilubong sa Kamon.

Mga Maghuhukom 11:24

Dili ba nimo panag-iyahon kadtong gihatag kanimo ni Camos nga imong dios aron imong panag-iyahon? Ug ang tanan nga giilogan sa Ginoo sa among atubangan, among panag-iyahon.

Mga Maghuhukom 13:1

Ang katawhan sa Israel nagbuhat na usab ug daotan diha sa panan-aw sa Ginoo ug ang Ginoo nagtugyan kanila ngadto sa kamot sa mga Filistihanon sulod sa 40 ka tuig.

Mga Maghuhukom 16:23

Ang mga pangulo sa mga Filistihanon nagtigom aron sa paghimo ug usa ka dakong halad ngadto kang Dagon nga ilang dios ug aron sa paglipay. Kay sila miingon, “Ang atong dios nagtugyan kang Samson nga atong kaaway nganhi sa atong kamot.”

Mga Maghuhukom 3:7

Ang katawhan sa Israel naghimo ug daotan diha sa panan-aw sa Ginoo, nalimot sa Ginoo nga ilang Dios ug nag-alagad sa mga Baal ug sa mga Asera.

Mga Maghuhukom 4:1

Ang katawhan sa Israel naghimo na usab ug daotan sa panan-aw sa Ginoo human mamatay si Ehud.

Mga Maghuhukom 6:1

Ang katawhan sa Israel naghimo ug daotan sa panan-aw sa Ginoo, ug ang Ginoo nagtugyan kanila ngadto sa kamot sa Midian sulod sa pito ka tuig.

Mga Maghuhukom 8:33

Sa diha nga si Gideon namatay na, ang katawhan sa Israel mibalik na usab ug misimba sa mga Baal ug gihimo si Baal-berit nga ilang dios.

1 Samuel 5:2

Unya gikuha sa mga Filistihanon ang sudlanan sa kasabotan sa Dios ug gidala kini ngadto sa balay ni Dagon ug gibutang kini tupad kang Dagon.