Mga Maghuhukom 10:18

Ang Biblia 2011

Ug ang katawhan, ang mga pangulo sa Gilead, miingon sa usa ug usa, “Kinsa ang tawo nga makig-away batok sa mga Amonihanon? Siya mahimong pangulo sa tanang nagpuyo sa Gilead.”

Cross References

Isaias 34:12

Nganlan nila kini ug Walay Gingharian Didto, ug ang tanan niyang mga pangulo mahanaw.

Mga Maghuhukom 1:1

Human sa kamatayon ni Josue, ang katawhan sa Israel nangutana sa Ginoo, “Kinsa man ang mouna pagtungas alang kanamo batok sa mga Canaanhon, aron sa pagpakig-away batok kanila?”

Mga Maghuhukom 10:17

Unya ang mga Amonihanon nagtigom ug nagkampo didto sa Gilead. Ug ang katawhan sa Israel naghiusa ug nagkampo sa Mispa.

Mga Maghuhukom 11:1

Karon si Jefta nga Gileadhanon usa ka isog nga manggugubat apan anak siya sa usa ka babayeng nagbaligya sa iyang dungog. Si Gilead mao ang amahan ni Jefta.

Mga Maghuhukom 11:11

Busa si Jefta miadto uban sa mga kadagkoan sa Gilead, ug ang katawhan mihimo kaniya nga pangulo ug tigdumala ibabaw kanila. Ug si Jefta misulti sa tanan niyang mga pulong sa atubangan sa Ginoo didto sa Mispa.

Mga Maghuhukom 11:4

Wala madugay ang mga Amonihanon naghimo ug pakiggubat batok sa Israel.

Mga Maghuhukom 12:7

Si Jefta nahimong maghuhukom sa Israel sulod sa unom ka tuig. Unya namatay si Jefta nga Gileadhanon ug gilubong didto sa iyang siyudad sa Gilead.

1 Samuel 17:25

Ang katawhan sa Israel miingon, “Nakakita ba kamo nianang tawhana nga mitungas? Sa walay duhaduha mitungas siya aron sa paghagit sa Israel, ug ang tawo nga makapatay kaniya, himoon nga dato sa hari uban sa dagkong mga bahandi, ug ihatag kaniya sa hari ang iyang anak nga babaye, ug hatagan ug kagawasan ang panimalay sa iyang amahan diha sa Israel.”