Mga Maghuhukom 1:4

Ang Biblia 2011

Unya si Juda miadto ug ang Ginoo mitugyan sa mga Canaanhon ug sa mga Perisihanon ngadto sa ilang kamot, ug gibuntog nila ang napulo ka libo kanila didto sa Besek.

Cross References

1 Mga Hari 22:15

Ug sa pag-adto niya sa hari, ang hari miingon kaniya, “Micaias, moadto ba kami sa Ramot-gilead aron sa pagpakiggubat o pasagdan ba lamang namo kini?” Ug siya mitubag, “Tungas ug pagmadaogon, ug ang Ginoo maghatag niini ngadto sa kamot sa hari.”

1 Mga Hari 22:6

Unya gitigom sa hari sa Israel ang mga propeta, mga upat ka gatos ka tawo, ug giingnan sila, “Moadto ba ako sa Ramot-gilead aron sa pagpakiggubat o pasagdan ba lamang nako kini?” Ug sila miingon, “Tungas kay ang Ginoo magtugyan niini ngadto sa kamot sa hari.”

Salmo 44:2

ikaw sa imong kaugalingong kamot naghingilin sa mga nasod, apan sila imong gipahimutang; gisakit nimo ang mga katawhan, apan gipalingkawas nimo sila;

Salmo 78:55

Gipapahawa usab niya ang mga nasod gikan sa ilang atubangan; gibahinbahin niya sila alang sa usa ka panulundon, ug gipapuyo sa ilang mga tolda ang mga banay sa Israel.

Deuteronomio 7:2

Ug sa diha nga ang Ginoo nga inyong Dios magtugyan kanila nganha kaninyo ug inyong nalupig, kinahanglang laglagon ninyo sila sa hingpit. Ayaw kamo paghimo ug kasabotan uban kanila ug ayaw pagpakita ug kaluoy kanila.

Deuteronomio 9:3

Busa hibaloi niining adlawa nga siya nga mag-una kaninyo sama sa nag-ut-ot nga kalayo mao ang Ginoo nga inyong Dios; laglagon niya sila ug pukanon sa inyong atubangan busa papahawaa ninyo sila ug laglaga dayon sila, sumala sa gisaad sa Ginoo kaninyo.

Mga Maghuhukom 1:3

Ug si Juda miingon kang Simeon nga iyang igsoon, “Uban kanako ngadto sa yuta nga gibahin kanako aron makig-away kita batok sa mga Canaanhon, ug ako usab mouban kanimo ngadto sa yuta nga gibahin kanimo.” Busa si Simeon miuban kaniya.

Mga Maghuhukom 1:5

Naabtan nila si Adonibesek didto sa Besek ug nakig-away sila batok kaniya ug gibuntog nila ang mga Canaanhon ug ang mga Perisihanon.

Mga Maghuhukom 11:32

Busa si Jefta mitabok ngadto sa mga Amonihanon aron sa pagpakig-away batok kanila ug ang Ginoo nagtugyan kanila ngadto sa iyang kamot.

Mga Maghuhukom 3:5

Busa ang katawhan sa Israel mipuyo uban sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

1 Samuel 11:8

Unya sa dihang giihap niya sila didto sa Besek, 300,000 ang mga tawo sa Israel ug 30,000 ang mga tawo sa Juda.

1 Samuel 14:10

Apan kon moingon sila, ‘Ngari kamo kanamo,’ mangadto usab kita kay ang Ginoo nagtugyan kanila sa atong kamot ug kini maoy ilhanan alang kanato.”

1 Samuel 14:6

Unya si Jonatan miingon ngadto sa batan-ong lalaki nga maoy nagdala sa iyang hinagiban, “Tana, mangadto kita sa kampo sa mga dili tinuli, basin ug ang Ginoo molihok alang kanato kay walay makapugong sa Ginoo sa pagluwas pinaagi sa daghan o pinaagi sa diyotay.”