Mga Hebreo 13:3

Ang Biblia 2011

Hinumdomi ninyo sila nga anaa sa bilanggoan, ingon nga daw nabilanggo usab kamo uban kanila, ug sila usab nga gidagmalan, kay kamo anaa man usab sa lawas.

Cross References

Genesis 40:23

Apan ang pangulo sa mga tig-andam sa bino wala mahinumdom kang Jose, hinuon nalimot kaniya.

Mateo 25:36

hubo ako ug inyo akong gibistihan, nasakit ako ug inyo akong giduaw, nabilanggo ako ug inyo akong giadto.’

Mateo 25:43

ako dumuduong ug wala ninyo ako abiabiha, ako hubo ug wala ninyo ako bistihi, ako masakiton ug binilanggo ug wala ninyo ako duawa.’

Mga Buhat 24:23

Unya iyang gisugo ang kapitan sa pagpabantay kang Pablo, apan hatagan siya ug gamayng kagawasan, ug nga walay did-an sa iyang mga higala sa pag-atiman sa iyang mga panginahanglan.

Mga Buhat 27:3

Sa pagkasunod adlaw midunggo kami sa Sidon. Ug giatiman pag-ayo ni Julio si Pablo ug gitugotan siya sa pag-adto sa iyang mga higala aron maatiman.

Roma 12:15

Paglipay kamo duyog sa mga nalipay, hilak duyog sa mga nanghilak.

1 Mga Taga-Corinto 12:26

Kon ang usa ka bahin mag-antos, ang tanan magdungan sa pag-antos; kon ang usa ka bahin pasidunggan, ang tanan magdungan sa paglipay.

Mga Taga-Efeso 4:1

Busa, ako nga binilanggo diha sa Ginoo, naghangyo kaninyo nga unta magkinabuhi kamo nga takos gayod sa tawag nga alang niini gitawag kamo,

Mga Taga-Colosas 4:18

Ako, si Pablo, pinaagi sa akong kaugalingong kamot, nagsulat niining pangumosta. Hinumdomi ninyo ang akong pagkabilanggo. Ang grasya maanaa kaninyo.

Mga Hebreo 10:34

Kay kamo may kaluoy man sa mga binilanggo, ug gikalipay ninyo nga sakmitan sa inyong katigayonan, kay inyo mang nahibaloan nga kamo adunay usa ka labaw pa ka maayong bahandi ug nga kini molungtad.

Mga Hebreo 11:37

Gibato sila, gipikas sila pinaagi sa gabas, gipamatay sila pinaagi sa espada, naglatagaw sila nga nagsul-ob ug mga panit sa mga karnero ug mga kanding, nag-antos sa kawalad-on, mga sinakit, mga dinagmalan—

1 Pedro 3:8

Sa kataposan, kamong tanan, kinahanglang mag-usa sa hunahuna, magbinatiay, maghigugmaay ingon nga mga igsoon, maluluy-on, ug mapaubsanon sa hunahuna,