Mateo 9:11

Ang Biblia 2011

Sa pagkakita sa mga Pariseo niini, miingon sila sa iyang mga tinun-an, “Nganong nagkaon man ang inyong Magtutudlo uban sa mga tigpaningil ug buhis ug sa mga makasasala?”

Cross References

Isaias 65:5

nga nag-ingon, “Paglain sa imong kaugalingon, ayaw pagduol kanako, kay ako gilain gikan kanimo.” Kini aso sa akong ilong, kalayo nga nagdilaab sa tibuok nga adlaw.

Mateo 11:19

Ang Anak sa Tawo mianhi nga nagkaon ug nag-inom, apan sila nag-ingon, ‘Tan-awa, usa ka tawong dakog kaon, palainom ug higala sa mga tigpaningil ug buhis ug sa mga makasasala!’ Apan ang kaalam giila nga matarong pinaagi sa mga buhat niini.”

Mateo 5:46

Kay kon kamo nahigugma sa mga nahigugma kaninyo, unsa may ganti nga madawat ninyo? Dili ba ang mga tigpaningil ug buhis nagbuhat man sa ingon?

Mateo 9:10

Ug mao kadto nga sa nagtambong si Jesus sa kan-anan didto sa balay, nangabot ang daghang mga tigpaningil ug buhis ug mga makasasala ug nangaon sila uban kang Jesus ug sa iyang mga tinun-an.

Marcos 2:16

Ug ang mga eskriba nga mga Pariseo, sa pagkakita nila nga siya nagkaon kauban sa mga makasasala ug sa mga tigpaningil ug buhis, miingon sa iyang mga tinun-an, “Nganong nakigpangaon man siya uban sa mga tigpaningil ug buhis ug sa mga makasasala?”

Lucas 19:7

Ug ang tanan nga nakakita niini nagbagulbol nga nag-ingon, “Misulod siya ingon nga dinapit sa balay sa usa ka tawong makasasala.”

Lucas 5:30

Unya ang mga Pariseo ug ang ilang mga eskriba nagbagutbot batok sa iyang mga tinun-an, nga nag-ingon, “Nganong nangaon ug nanginom man kamo uban sa mga tigpaningil ug buhis ug sa mga makasasala?”

Mga Buhat 11:3

nga nag-ingon, “Nganong miadto ka man sa mga tawong dili tinuli ug nakigsalo kanila sa pagpangaon?”

Mga Taga-Galacia 2:15

Kami nga nangatawo nga mga Judio ug dili mga makasasala nga Gentil,

Mga Hebreo 5:2

Ug siya makahimo nga magmalumo ngadto sa mga walay alamag ug sa mga nahisalaag kay siya sa iyang kaugalingon nagapos man usab sa kaluyahon.

2 Juan 1:10

Kon adunay moanha kaninyo ug wala magdala sa maong pagtulun-an, ayaw ninyo siya padayona sa inyong balay ug ayaw ninyo siya ug abiabiha,