Mateo 8:8

Ang Biblia 2011

Apan mitubag kaniya ang kapitan nga nag-ingon, “Ginoo, dili ako takos sa pagpadayon kanimo ilalom sa akong atop apan isulti lamang ang pulong ug mamaayo ang akong sulugoon.

Cross References

Genesis 32:10

ako dili takos sa labing diyotay sa tanang gugmang walay paglubad ug sa tanang pagkamatinumanon nga imong gipakita sa imong sulugoon kay uban lamang sa akong sungkod milabang ako niining Jordan, apan karon nahimo ako nga duha na ka pundok.

Salmo 10:17

O Ginoo, ikaw magpatalinghog sa tinguha sa mapaubsanon; ikaw maglig-on sa ilang kasingkasing, ikaw magkiling sa imong igdulungog

Salmo 107:20

gipadala niya ang iyang pulong ug giayo sila, ug iyang giluwas sila gikan sa ilang pagkalaglag.

Salmo 33:9

Kay siya misulti, ug kini nahitabo; siya misugo, ug kini mibarog.

Numeros 20:8

“Kuhaa ang sungkod ug tigoma ang katilingban, ikaw ug si Aaron nga imong igsoon ug sultihi ang bato sa atubangan sa ilang mga mata aron kini maghatag sa iyang tubig ug magkuha ikaw ug tubig gikan sa bato alang kanila ug paimnon nimo ang katilingban ug ang ilang mga kahayopan.”

Mateo 3:11

“Ako nagbautismo kaninyo sa tubig alang sa paghinulsol apan siya nga moanhi sunod kanako gamhanan pa kay kanako nga bisan gani sa iyang mga sandalyas dili ako takos nga mobitbit. Siya magbautismo kaninyo sa Espiritu Santo ug kalayo.

Mateo 3:14

Si Juan misanta unta kaniya nga nag-ingon, “Ako ang kinahanglan nimong bautismohan apan ikaw na hinuon ang mianhi kanako?”

Mateo 8:3

Gituyhad ni Jesus ang iyang kamot ug gitapin-an niya kini ug giingnan, “Buot ako, mahinlo ikaw.” Ug dihadiha nahinloan siya sa iyang sanla.

Mateo 8:7

Si Jesus miingon kaniya, “Adtoon ug ayohon nako siya.”

Mateo 8:9

Kay ako usa ka tawo nga ilalom sa pagbuot sa uban, may mga sundalo nga ilalom sa akong pagmando ug sa dihang moingon ako sa usa, ‘Lakaw ngadto,’ siya moadto, ug sa lain, ‘Duol ngari,’ siya moduol ug sa akong ulipon, ‘Buhata kini,’ ug siya mobuhat niini.”

Lucas 15:19

Dili na ako angay nga tawgon pa nga imong anak. Himoa na lang ako nga usa sa imong mga sinuholan.” ’

Lucas 15:21

Ug ang anak miingon kaniya, ‘Amahan ko, nakasala ako batok sa langit ug sa imong atubangan, dili na ako angay tawgon pa nga imong anak.’

Lucas 5:8

Apan sa pagkakita niini ni Simon Pedro, mihapa siya sa atubangan ni Jesus ug miingon kaniya, “Pahawa gikan kanako, kay ako usa ka tawong makasasala, O Ginoo.”

Juan 1:27

siya nga moanhi sunod kanako, nga bisan sa higot sa iyang sandalyas dili ako takos sa paghubad.”