Mateo 8:4

Ang Biblia 2011

Unya si Jesus miingon kaniya, “Bantayi nga walay si bisan kinsa nga imong suginlan, ug lakaw ug pagpatan-aw sa pari ug himoa ang halad nga gisugo ni Moises ingon nga pagpamatuod ngadto sa katawhan.”

Cross References

Isaias 42:21

Nahimuot ang Ginoo, tungod ug alang sa iyang pagkamatarong aron sa pagpadako sa iyang balaod ug paghimo niini nga mahimayaon.

Levitico 13:49

kon ang lama may pagkalunhaw o pula diha sa bisti o sa panit o diha sa lindog o sa hulog sa hablanan, o sa bisan unsa nga hinimo ug panit, kini agup-op ug ipakita kini ngadto sa pari.

Mateo 10:18

ug tungod kanako dad-on kamo ngadto sa atubangan sa mga pangulo ug sa mga hari aron kamo mosaksi ngadto kanila ug sa mga Gentil.

Mateo 16:20

Unya sa hugot gipahimangnoan niya ang mga tinun-an nga sila dili manugilon kang bisan kinsa nga siya mao ang Cristo.

Mateo 17:9

Sa dihang nanglugsong sila sa bukid, gibaoran sila ni Jesus nga nag-ingon, “Ayaw ninyo isugilon ang panan-awon kang bisan kinsa hangtod nga ang Anak sa Tawo mabanhaw na gikan sa mga patay.”

Mateo 3:15

Apan si Jesus mitubag kaniya, “Itugot kini karon kay angay kanato ang pagtuman sa tibuok nga pagkamatarong.” Ug siya mitugot kaniya.

Mateo 5:17

“Ayaw kamo paghunahuna nga mianhi ako aron sa pagsalikway sa Balaod o sa mga Propeta. Wala ako moanhi sa pagsalikway kondili sa pagtuman niini.

Mateo 6:1

“Pagmatngon kamo nga ang inyong maayong binuhatan dili ninyo himoon atubangan sa mga tawo aron lamang makita nila kini, kay sa ingon niana wala kamoy ganti gikan sa inyong Amahan nga anaa sa langit.

Mateo 9:30

Ug nabuka ang ilang mga mata. Ug sa hugot gayod si Jesus mipasidaan kanila nga nag-ingon, “Tan-awa nga walay si bisan kinsa nga mahibalo niini.”

Marcos 13:9

“Apan pagbantay kamo sa iyong kaugalingon kay kamo ilang itugyan ngadto sa mga hukmanan, ug kamo ilang bunalan sulod sa mga sinagoga, ug kamo moatubang sa mga gobernador ug sa mga hari tungod ug alang kanako, aron sa pagpamatuod ngadto kanila.

Marcos 3:12

Apan gibaoran niya sila sa higpit gayod nga dili nila ipaila siya.

Marcos 5:43

Ug higpit silang gipahimangnoan ni Jesus nga kinahanglang walay bisan usa nga mahibalo niini, ug gisugo sila sa paghatag ug makaon ngadto sa bata.

Marcos 6:11

Kon sa bisan diing dapit kamo dili dawaton ug dili pamation, inigbiya ninyo, itaktak ang mga abog nga anaa sa inyong mga tiil ingon nga pasidaan batok kanila.”

Marcos 7:36

Unya gipahimangnoan niya sila sa dili pagsugilon kang bisan kinsa, apan unsa ka higpit sa iyang pahimangno kanila, labaw pa hinuon ka madasigon ang ilang pagpanugilon niini.

Marcos 8:30

Ug gipahimangnoan niya sila sa dili pagpanugilon kang bisan kinsa mahitungod kaniya.

Marcos 9:9

Samtang nanglugsong sila sa bukid, gipahimangnoan niya sila sa dili pagsugilon kang bisan kinsa mahitungod sa ilang nakita, hangtod nga ang Anak sa Tawo mabanhaw na gikan sa mga patay.

Lucas 17:14

Ug sa iyang pagkakita kanila, siya miingon kanila, “Lakaw ug ipakita ang inyong kaugalingon ngadto sa mga pari.” Ug samtang nanglakaw sila, nangaayo sila.

Lucas 21:13

Kini mao unyay panahon alang kaninyo sa pagpamatuod.

Lucas 4:41

Ug gikan sa daghang mga tawo migula ang mga yawa nga nagsinggit, “Ikaw mao ang Anak sa Dios!” Apan gibadlong niya sila ug wala tugoti sa pagsulti kay sila nakaila man nga siya mao ang Cristo.

Lucas 5:14

Unya gimandoan siya ni Jesus, “Ayaw panugilon kang bisan kinsa, apan lakaw ug pakita ngadto sa pari ug himoa ang halad pahinungod sa imong pagkahinlo sumala sa gisugo ni Moises, ingon nga pagpamatuod ngadto sa katawhan.”

Lucas 8:56

Ug nahibulong ang iyang mga ginikanan, apan gipahimangnoan sila ni Jesus sa dili pagsugilon ni bisan kinsa sa nahitabo.

Lucas 9:21

Apan iyang gipasidan-an ug gipahimangnoan sila nga walay si bisan kinsa nga ilang suginlan niini.

Juan 5:41

Wala ako magdawat ug pasidungog gikan sa tawo.

Juan 7:18

Si bisan kinsa nga magsulti sa kinaugalingon lamang nangita sa iyang kaugalingong dungog apan si bisan kinsa nga nangita sa dungog sa nagpadala kaniya, matinud-anon ug wala diha kaniya ang pagkabakakon.

Juan 8:50

Hinuon wala ako magtinguha sa akong kaugalingong kadungganan. Anaay usa nga nagtinguha niini ug siya mao ang maghuhukom.