Mateo 8:2

Ang Biblia 2011

Ug dihay usa ka sanlahon nga miduol kaniya, ug sa iyang atubangan miluhod nga nag-ingon, “Ginoo, kon buot nimo, makahinlo ikaw kanako.”

Cross References

2 Samuel 3:39

Ug ako niining adlawa luya, bisan ug dinihogan nga hari. Kining mga tawhana, ang mga anak ni Zeruia lisod kaayo alang kanako. Ang Ginoo magbalos sa tigbuhat ug daotan sumala sa iyang pagkadaotan!”

2 Mga Hari 15:5

Ug gisilotan sa Ginoo ang hari, mao nga siya nahimong usa ka sanlahon hangtod sa adlaw sa iyang kamatayon ug nagpuyo siya sa lain nga balay. Ug si Jotam nga anak sa hari maoy nagdumala sa panimalay, nangulo sa katawhan sa yuta.

2 Mga Hari 5:1

Si Naaman nga tigmando sa kasundalohan sa hari sa Siria usa ka bantogang tawo uban sa iyang agalon, ug gitahod pag-ayo tungod kay pinaagi kaniya ang Ginoo mihatag sa pagdaog sa Siria. Usa siya ka isog nga tawo apan usa ka sanlahon.

2 Mga Hari 5:27

Busa ang sanla ni Naaman motakboy kanimo ug sa imong mga kaliwat hangtod sa hangtod.” Ug siya mipahawa sa iyang atubangan nga usa ka sanlahon ug puti kaayo.

Numeros 12:10

Ug ang panganod mibiya gikan sa ibabaw sa Tolda ug unya si Miriam nahimong sanlahon, hilabihang pagpamuti. Ug si Aaron mitan-aw kang Miriam ug nakita niya nga gisanla na si Miriam.

Mateo 10:8

Ayoha ninyo ang mga masakiton, banhawa ang mga patay, hinloi ang mga sanlahon, pagulaa ang mga demonyo. Nakadawat kamo nga walay bayad, panghatag nga walay bayad.

Mateo 13:58

Ug didto wala siya maghimo ug daghang mga milagro tungod sa ilang pagkawalay pagtuo.

Mateo 14:33

Unya sila nga didto sa sakayan misimba kaniya ug miingon, “Sa pagkatinuod ikaw mao ang Anak sa Dios.”

Mateo 15:25

Apan ang babaye miduol ug miluhod sa atubangan ni Jesus ug miingon, “Ginoo, tabangi intawon ako.”

Mateo 18:26

Busa ang ulipon miluhod sa iyang atubangan ug nagpakiluoy nga nag-ingon, ‘Ginoo, angan-angana una intawon ako ug bayran ra unya nako ikaw sa tanan.’

Mateo 2:11

Sa pagsulod na nila sa balay, ilang nakita ang bata uban kang Maria nga iyang inahan, ug sila miluhod ug misimba sa bata. Ug sa naukban na nila ang ilang mga bahandi, ilang gihalaran siya ug mga gasa: bulawan ug insenso ug mira.

Mateo 20:20

Unya ang inahan sa mga lalaking anak ni Zebedeo miduol kang Jesus uban sa iyang mga anak. Miluhod siya sa atubangan ni Jesus ug nangayo ug usa ka butang.

Mateo 26:6

Samtang didto si Jesus sa Betania sa balay ni Simon nga sanlahon,

Mateo 28:17

Ug sa ilang pagkakita kaniya gisimba nila siya, apan dihay uban nga nagduhaduha.

Mateo 28:9

Ug unya, si Jesus misugat kanila nga nag-ingon, “Kumosta kamo!” Ug sila miduol ug ilang gigakos ang iyang mga tiil ug gisimba nila siya.

Mateo 4:9

ug ang yawa miingon kaniya, “Kining tanan akong ihatag kanimo kon ikaw moluhod ug mosimba kanako.”

Mateo 8:1

Sa nakalugsong na si Jesus gikan sa bungtod, misunod kaniya ang dagkong mga panon sa katawhan.

Mateo 8:25

Ug giduol nila siya ug gipukaw nga nag-ingon, “Ginoo, tabang! Mangamatay na kita.”

Mateo 9:18

Samtang nagsulti si Jesus niini ngadto kanila, miabot ang usa ka pangulo, ug sa iyang atubangan miluhod kini nga nag-ingon, “Ang akong anak nga babaye karon pa gayod mamatay apan adtoa ug itapion ang imong kamot kaniya ug mabuhi siya.”

Lucas 4:27

Ug dihay daghang mga sanlahon sa Israel sa panahon ni Eliseo nga propeta, apan wala kanilay nahinloan gawas lamang kang Naaman nga Sirianhon.”

Juan 9:38

Siya miingon, “Ginoo, mituo ako,” Ug siya misimba kang Jesus.

Mga Buhat 10:14

Apan si Pedro miingon, “Dili gayod ako, Ginoo, kay wala pa gayod akoy nakaon nga dili putli o hugaw.”

Mga Buhat 10:25

Sa pagsulod ni Pedro, si Cornelio misugat kaniya ug mihapa sa iyang tiilan ug misimba kaniya.

1 Mga Taga-Corinto 14:25

ibutyag ang mga tinagoan sa iyang kasingkasing. Ug busa, samtang siya magduko, iyang simbahon ang Dios ug iyang ipahayag nga ang Dios anaa gayod uban kaninyo.

Gipadayag 19:10

Unya mihapa ako sa iyang tiilan aron unta sa pagsimba kaniya, apan siya miingon kanako, “Ayaw kana buhata! Ako usa lamang ka sulugoon nga kauban nimo ug sa imong kaigsoonan nga naghupot sa pagpamatuod mahitungod kang Jesus. Maoy simbaha ang Dios. Kay ang pagpamatuod mahitungod kang Jesus mao man ang espiritu sa propesiya.”