Mateo 7:2

Ang Biblia 2011

Kay ang hukom nga inyong ipakanaog mao usab ang ihukom kaninyo, ug ang takos nga inyong ihatag mao usab ang takos nga inyong madawat.

Cross References

2 Samuel 21:5

Sila miingon sa hari, “Ang tawo nga nag-ut-ot kanamo ug naglaraw sa paglaglag kanamo, aron kami wala nay dapit diha sa tibuok nga kayutaan sa Israel,

Salmo 109:17

Nahigugma siya sa pagpanunglo; modangat unta kaniya ang tunglo! Wala siya mahimuot sa pagpanalangin; mahilayo unta kini kaniya!

Exodo 21:24

mata sa mata, ngipon sa ngipon, kamot sa kamot, tiil sa tiil,

Isaias 33:1

Alaot ikaw nga tiglaglag, nga ang imong kaugalingon wala malaglag, ug ikaw nga mabudhion, nga kanimo walay nagbudhi! Sa diha nga ikaw mohunong sa pagpanglaglag, ikaw laglagon; ug sa diha nga moundang na ikaw sa pagbudhi, ikaw budhian.

Jeremias 34:17

Busa mao kini ang giingon sa Ginoo: Wala kamo motuman kanako pinaagi sa pagsangyaw sa kagawasan, ang matag usa ngadto sa iyang igsoon, ug sa iyang isigkatawo. Tan-awa, ako nagsangyaw kaninyo ug usa ka kagawasan ngadto sa espada, sa kamatay ug sa gutom, nag-ingon ang Ginoo. Himoon ko kamo nga kalisangan sa tanang mga gingharian sa yuta.

Jeremias 51:24

“Panimaslan nako ang Babilonia ug ang tanang nagpuyo sa Caldea atubangan gayod sa inyong mga mata tungod sa tanang kadaotan nga ilang gihimo didto sa Zion, nag-ingon ang Ginoo.

Abdias 1:15

Kay ang adlaw sa Ginoo duol na batok sa tanang mga nasod. Sama sa imong gibuhat, kini buhaton kanimo, ang imong gibuhat mobalik sa imong kaugalingong ulo.

Mateo 6:14

Kay kon mopasaylo kamo sa mga tawo sa ilang mga kalapasan, pasayloon usab kamo sa inyong langitnong Amahan

Marcos 4:24

Ug siya miingon kanila, “Pagbantay kamo sa unsay inyong nabati, ang sukod nga inyong gigamit pagsukod mao usab ang isukod kaninyo, ug labaw pa gani unya ang idugang diha kaninyo.

Lucas 6:38

Panghatag kamo ug kamo hatagan. Ang hustong takos, dinasok, tinantan ug nag-awas, ibutang ra unya diha sa inyong sabakan. Kay ang gidaghanon nga inyong ihatag mao usab unya ang gidaghanon nga inyong madawat.”

2 Mga Taga-Corinto 9:6

Karon timan-i kini: siya nga nagpugas ug diyotay moani usab ug diyotay, siya nga nagpugas ug daghan moani usab ug daghan.

Santiago 2:13

Kay ang hukom walay kaluoy alang sa tawo nga wala magpakita ug kaluoy, apan ang kaluoy modaog batok sa hukom.

Gipadayag 18:6

Pahamtangi ninyo siya sama sa iyang pagpahamtang ug balosi siya ug duha ka pilo sa iyang mga binuhatan: sa kupa nga iyang gisagolan, pagsagol kamo ug duha ka pilo alang kaniya.

Mga Maghuhukom 1:7

Si Adonibezek miingon, “70 ka hari nga gipamutlan sa ilang mga kumagko sa kamot ug sa tiil ang namunit ug mumho sa ilalom sa akong lamisa. Sumala sa akong nabuhat, mao usab ang gipaningil sa Dios kanako.” Ug siya gidala nila sa Jerusalem ug namatay siya didto.

Mga Maghuhukom 5:27

Nalup-og siya, natumba, nagbuy-od siya sa tiilan ni Jael; sa iyang tiilan siya nalup-og, siya natumba; diin siya malup-og, didto siya nagbuy-od nga patay na.

1 Samuel 15:33

Apan si Samuel miingon, “Ingon nga ang imong espada naghimo sa mga kababayen-an nga nawad-an ug anak, ingon usab ang imong inahan mawad-an ug anak taliwala sa kababayen-an.” Ug si Samuel mitagodtagod kang Agag sa atubangan sa Ginoo didto sa Gilgal.