Mateo 5:9

Ang Biblia 2011

“Bulahan ang mga naninguha nga adunay pakigdait, kay sila tawgon nga mga anak sa Dios.

Cross References

1 Cronicas 12:17

Si David migula aron sa pagsugat kanila ug miingon, “Kon kamo nanganhi kanako sa pagpakighigala aron sa pagtabang kanako, ang akong kasingkasing mabugkos kaninyo apan kon kamo nanganhi sa pagbudhi kanako ngadto sa akong mga kaaway, bisan walay sala sa akong mga kamot, ang Dios sa atong mga katigulangan makakita unta ug maghukom kaninyo.”

Salmo 120:6

Dugay na ang akong puluy-anan diha uban sa mga nagdumot sa kalinaw.

Salmo 34:12

Kinsa bang tawhana nga nangandoy ug kinabuhi, ug nahigugma sa daghang mga adlaw, aron makapahimulos siya sa maayo?

Mateo 5:45

aron mahimo kamong mga anak sa inyong Amahan nga anaa sa langit, kay siya nagpasubang sa iyang adlaw ngadto sa mga tawong daotan ug sa mga maayo ug nagpadala siya ug ulan ngadto sa mga matarong ug sa mga dili matarong.

Mateo 5:48

Busa kinahanglang magmahingpit kamo ingon nga hingpit ang inyong Amahan nga langitnon.

Lucas 20:36

Sila dili na mamatay tungod kay mahisama na man sila sa mga anghel, ug mga anak sila sa Dios, ingon nga mga anak sa pagkabanhaw.

Lucas 6:35

Apan higugmaa ang inyong mga kaaway ug buhata ang maayo ug pahulam sa walay pagpaabot ug bisan unsa, ug dako unya ang inyong ganti, ug kamo mahimong mga anak sa Labing Halangdon kay siya maluluy-on man bisan sa mga tawong dili mapasalamaton ug sa mga daotan.

Mga Buhat 7:26

Ug sa pagkasunod adlaw naabtan niya sila nga nag-away ug iya untang ulion sila. Siya miingon, ‘Mga tawo, managsoon ra kamo. Nganong nag-away man kamo?’

Roma 12:18

Kon mahimo, sumala sa inyong maarangan, pagpuyo nga makidaiton uban sa tanang tawo.

Roma 8:14

Kay ang tanang gimandoan sa Espiritu sa Dios mga anak sa Dios.

Roma 8:16

Ang Espiritu gayod, uban sa atong espiritu, nagpamatuod nga kita mga anak sa Dios.

Roma 8:19

Kay ang tibuok kabuhatan nagpaabot nga mahinamon sa pagpadayag sa mga anak sa Dios,

1 Mga Taga-Corinto 6:6

Apan mokiha ba diay ang igsoon batok sa iyang igsoon ug kini himoon sa atubangan sa mga dili magtutuo?

2 Mga Taga-Corinto 13:11

Sa kataposan, mga igsoon, pagmalipayon kamo. Hingpita ang inyong kaugalingon, pagmadasigon kamo, pagsinabtanay kamo sa usa ug usa, pagpuyo kamo nga malinawon, ug ang Dios sa gugma ug kalinaw mag-uban kaninyo.

2 Mga Taga-Corinto 5:20

Tungod kang Cristo kami mga pinadala, sama nga ang Dios naghangyo pinaagi kanamo. Alang kang Cristo, naghangyo kami kaninyo, pasig-uli kamo ngadto sa Dios.

Mga Taga-Galacia 5:22

Apan ang bunga sa Espiritu mao ang gugma, kalipay, kalinaw, pailob, pagkamaluluy-on, pagkamaayo, pagkamatinumanon,

Mga Taga-Efeso 4:1

Busa, ako nga binilanggo diha sa Ginoo, naghangyo kaninyo nga unta magkinabuhi kamo nga takos gayod sa tawag nga alang niini gitawag kamo,

Mga Taga-Filipos 4:2

Akong gihangyo si Euodia ug si Sintique nga magkauyon diha sa Ginoo.

Mga Taga-Colosas 3:13

mag-pinailobay sa usa ug usa ug nga kon aduna may mulo ang usa batok sa usa, magpinasayloay ang usa ug usa. Ingon nga ang Ginoo nagpasaylo kaninyo, busa mao usab kamo.

Mga Hebreo 12:14

Tinguhaa ang pagpakigdait uban sa tanang tawo ug ang pagkabalaan nga kon wala kini walay si bisan kinsa nga makakita sa Ginoo.