Mateo 5:33

Ang Biblia 2011

“Nakadungog usab kamo nga ang mga tawo sa unang panahon giingnan, ‘Ayaw panumpa ug bakak kondili tumana ang imong gipanumpa ngadto sa Ginoo.

Cross References

Salmo 50:14

Paghalad ngadto sa Dios ug halad sa pasalamat, ug ihatag ang imong mga gipanaad ngadto sa Labing Halangdon;

Salmo 76:11

Pagsaad kamo sa Ginoo nga inyong Dios ug tumana kini; padad-a ug mga gasa ang tanan nga naglibot kaniya, ngadto kaniya nga takos kahadlokan,

Exodo 20:7

“Ayaw gamita sa walay kapuslanan ang ngalan sa Ginoo nga imong Dios kay ang Ginoo dili mag-isip nga walay sala niadtong naggamit sa walay kapuslanan sa iyang ngalan.

Levitico 19:12

Ayaw kamo panumpa ug bakak pinaagi sa akong ngalan nga tungod niana gipasipalahan ninyo ang ngalan sa inyong Dios. Ako mao ang Ginoo.

Nahum 1:15

Tan-awa, ibabaw sa kabukiran ang mga tiil niadtong nagdala sa mga maayong balita, nga nagsangyaw sa pakigdait! Himoa ang inyong mga kasaulogan, O Juda, tumana ang inyong mga panaad, kay dili na gayod mosulong kaninyo ang daotan, nalaglag na gayod siya.

Mateo 5:21

“Kamo nakadungog nga ang mga tawo sa kanhang panahon giingnan, ‘Ayaw pagpatay ug si bisan kinsa nga makapatay mahiagom sa hukom.’

Mateo 5:27

“Nakadungog kamo sa giingon, ‘Ayaw panapaw.’

Deuteronomio 23:21

“Sa diha nga maghimo ikaw ug saad ngadto sa Ginoo nga imong Dios, ayaw paglangaylangay sa pagbayad niini kay ang Ginoo nga imong Dios maningil gayod niini kanimo ug mahimo kining sala diha kanimo.

Deuteronomio 23:23

Matngoni ang pagbuhat sa gilitok sa imong mga ngabil kay kinabubut-on nimong gisaad sa Ginoo nga imong Dios ang imong gisaad pinaagi sa imong baba.

Deuteronomio 5:11

“ ‘Ayaw gamita sa walay pulos ang ngalan sa Ginoo nga inyong Dios kay ang Ginoo dili mag-isip nga walay sala kaniya nga naggamit sa iyang ngalan sa walay pulos.

Deuteronomio 6:13

Kahadloki ninyo ang Ginoo nga inyong Dios. Pag-alagad kamo kaniya ug panumpa pinaagi sa iyang ngalan.

1 Timoteo 1:10

sa mga makihilawason, sa mga makig-unay ug isigkalalaki, sa mga mamimihag ug tawo, sa mga bakakon, sa mga tigpanumpa ug bakak, ug bisan unsa pa nga kabatok sa maayong pagtulun-an