Mateo 5:16

Ang Biblia 2011

Busa pasigaa ang inyong kahayag sa atubangan sa mga tawo aron makita nila ang inyong mga maayong buhat ug dayegon nila ang inyong Amahan nga atua sa langit.

Cross References

Exodo 34:35

makita sa katawhan sa Israel ang nawong ni Moises nga ang panit sa iyang nawong misilaw, ug ibutang pag-usab ni Moises ang tabon sa iyang nawong hangtod nga mosulod siya aron sa pagpakigsulti kaniya.

Mga Panultihon 4:18

Apan ang agianan sa matarong sama sa kahayag sa kaadlawon, nga nag-anam ug kahayag ang pagdan-ag hangtod sa pag-abot sa kabuntagon.

Isaias 58:8

Unya ang imong kahayag mosidlak sama sa kabuntagon, ug ang imong kaayohan modangat pagdali; ang imong pagkamatarong mag-una kanimo; ang himaya sa Ginoo maoy magbantay sa imong likod.

Isaias 61:3

sa paghatag ngadto sa nagsubo didto sa Zion— sa paghatag kanila ug purongpurong nga bulak inay abo, lana sa kalipay inay pagsubo, bisti sa pagdayeg inay luya nga espiritu; aron sila tawgon nga mga dagkong kahoy sa pagkamatarong, ang gitanom sa Ginoo, aron siya himayaon.

Mateo 23:5

Apan ang tanan nilang buhat gihimo aron lamang sa pagpasundayag ngadto sa mga tawo kay gipadak-an nila ang ilang mga pilakterya diha sa ilang ulo ug bukton ug gipatas-an nila ang ilang mga borlas sa sidsid sa ilang mga bisti.

Mateo 23:9

Ug kinahanglang walay tawo dinhi sa yuta nga inyong tawgon nga inyong amahan kay kamo adunay usa lamang ka Amahan nga anaa sa langit.

Mateo 5:45

aron mahimo kamong mga anak sa inyong Amahan nga anaa sa langit, kay siya nagpasubang sa iyang adlaw ngadto sa mga tawong daotan ug sa mga maayo ug nagpadala siya ug ulan ngadto sa mga matarong ug sa mga dili matarong.

Mateo 6:16

“Ug sa dihang magpuasa kamo, ayaw pagpakita nga nasubo kamo, sama sa mga tigpakaaron-ingnon kay gipasagdan nila nga nagkagidlay ang ilang mga nawong aron ang mga tawo makakita kanila nga nagpuasa. Sa pagkatinuod, sultihan ko kamo nga sila nakadawat na sa ilang ganti.

Mateo 6:9

Busa pag-ampo kamo sama niini: Amahan namo nga anaa sa langit, balaanon unta ang imong ngalan.

Mateo 9:8

Sa pagkakita niini sa mga panon sa katawhan, sila nangahadlok ug nagdayeg sa Dios nga naghatag sa maong kagahom ngadto sa mga tawo.

Lucas 11:2

Ug siya miingon kanila, “Sa inyong pag-ampo, ingnon ninyo: “Amahan, unta balaanon ang imong ngalan. Paanhia ang imong gingharian.

Juan 15:8

Pinaagi niini, ang akong Amahan napasidunggan, nga namunga kamo ug daghan, ug nahimo nga akong mga tinun-an.

Mga Buhat 9:36

Didto sa Jopa may usa ka babayeng tinun-an nga ginganlan ug Tabita, nga kon hubaron, Dorcas o Lagsaw. Siya daghan ug mga maayong buhat ug mga pagtabang nga iyang gihimo.

1 Mga Taga-Corinto 14:25

ibutyag ang mga tinagoan sa iyang kasingkasing. Ug busa, samtang siya magduko, iyang simbahon ang Dios ug iyang ipahayag nga ang Dios anaa gayod uban kaninyo.

2 Mga Taga-Corinto 9:13

Pinaagi sa kamatuoran sa maong tabang, sila maghimaya sa Dios tungod sa inyong pakamasinugtanong agig pag-ila sa Maayong Balita ni Cristo, ug tungod sa pagkadagaya sa inyong amot alang kanila ug alang usab sa tanan.

Mga Taga-Galacia 1:24

Ug sila nagdayeg sa Dios tungod kanako.

Mga Taga-Efeso 2:10

Kay kita iyang mga binuhat, gihimo diha kang Cristo Jesus alang sa mga maayong buhat nga giandam nang daan sa Dios aron nga niini magkinabuhi kita.

Mga Taga-Efeso 5:8

kay bisan tuod kangitngit kamo kaniadto, karon kahayag na kamo tungod sa Ginoo. Pagkinabuhi kamo ingon nga mga anak sa kahayag,

1 Mga Taga-Tesalonica 2:12

sa pagkinabuhi nga takos sa Dios nga nagtawag kaninyo ngadto sa iyang kaugalingong gingharian ug himaya.

1 Timoteo 2:10

kondili pinaagi sa mga maayong buhat, ingon nga maoy angay sa mga babayeng nagpaila sa pagkadiosnon.

1 Timoteo 5:10

namatud-an nga maayo ug binuhatan, kon nagmatuto ug mga anak, nagpakita sa pagkamaabiabihon, nanghugas sa mga tiil sa mga balaan, nagtabang sa mga nagkalisodlisod, ug nagmakugihon sa pagbuhat ug maayo sa tanang paagi.

1 Timoteo 5:25

Ang mga maayong binuhatan usab dayag kaayo, ug bisan pa kon dili, kini dili magpabilin nga natago.

1 Timoteo 6:18

Kinahanglan nga magbuhat sila ug maayo, magpadato sa mga maayong binuhatan, andam sa pagtabang ug manggihatagon.

Tito 2:14

Siya mihatag sa iyang kaugalingon alang kanato aron sa paglukat kanato gikan sa tanang pagkadaotan ug sa pagputli alang sa iyang kaugalingon sa usa ka katawhan nga iya gayod, madasigon sa maayong binuhatan.

Tito 2:7

Sa tanang butang ipakita ang imong kaugalingon ingon nga panag-ingnan sa maayong binuhatan, diha sa pagpanudlo ipakita ang kaputli, kaligdong ug

Tito 3:14

Himoa usab nga makakat-on ang atong mga sakop sa pagbuhat kanunay sa mga maayong buhat aron sila makatabang sa mga tabangonon, ug nga dili unta sila mahimong dili mabungahon.

Tito 3:4

Apan sa gipadayag na ang pagkamaluluy-on sa Dios nga atong Manluluwas ug ang iyang gugma alang sa mga tawo,

Mga Hebreo 10:24

Ug mamalandong kita alang sa pagdinasigay sa usa ug usa ngadto sa paghigugma ug sa mga maayong buhat,

1 Pedro 2:12

Pagbaton kamo ug ligdong nga pagkinabuhi uban sa mga Gentil, aron nga bisan kon moingon sila nga kamo mga tigbuhat ug daotan, tungod sa ilang pagkakita sa inyong mga maayong binuhatan, sila maghimaya sa Dios unya sa adlaw sa iyang pag-anhi.

1 Pedro 2:9

Apan kamo mao ang usa ka pinili nga kaliwat, harianong pagkapari, ang balaan nga nasod, ang katawhan nga iya sa Dios, aron kamo magmantala sa kahibulongang mga buhat niya nga nagtawag kaninyo gikan sa kangitngit ngadto sa iyang katingalahang kahayag.

1 Pedro 3:1

Kamo usab nga mga asawa, pagmasinugtanon kamo sa inyong kaugalingong mga bana, aron nga kon aduna man kanilay wala magtuo sa pulong, basin pa ug sa walay pagsulti madani pinaagi sa gawi sa ilang mga asawa,

1 Pedro 3:16

Hinuon buhata ninyo kini uban sa kalumo ug pagtahod, ug pagbaton kamo ug hinlo nga tanlag aron nga sa dihang magsulti sila ug daotan kaninyo, maulawan hinuon sila nga nagbugalbugal sa inyong maayong kagawian diha kang Cristo.

1 Pedro 4:11

Ang magsulti, kinahanglan magsulti ingon sa pulong sa Dios; ang mag-alagad, kinahanglan mag-alagad sumala sa katakos nga gihatag sa Dios, aron nga sa tanang butang ang Dios mahimaya pinaagi kang Jesu-Cristo. Iya ang himaya ug ang paggahom hangtod sa kahangtoran. Amen.

1 Pedro 4:14

Kon kamo pakaulawan tungod sa ngalan ni Cristo, bulahan kamo kay ang espiritu sa himaya ug sa Dios anaa kaninyo.