Mateo 5:11

Ang Biblia 2011

“Bulahan kamo sa diha nga panamastamasan kamo sa mga tawo, lutoson ug butangbutangan sa tanang matang sa kadaotan tungod kanako.

Cross References

Salmo 35:11

Ang daotang mga saksi namarog; nangutana sila kanako mahitungod sa mga butang nga wala nako mahibaloi.

Salmo 44:22

Tungod kanimo gipamatay kami sa tibuok nga adlaw, ug giisip ingon nga mga karnero nga ihawonon.

Isaias 25:8

iyang lamyon ang kamatayon hangtod sa kahangtoran. Ang Ginoong Dios magpahid sa mga luha gikan sa tanang mga nawong ug ang kaulaw sa iyang katawhan kuhaon niya gikan sa tibuok nga yuta, kay ang Ginoo nagsulti niini.

Isaias 51:7

“Pamati kanako, kamo nga nahibalo sa pagkamatarong, ang katawhan nga sa ilang kasingkasing anaa ang akong balaod; ayaw ninyo kahadloki ang pagtamay sa mga tawo, o mangaluya kamo tungod sa ilang mga pagbiaybiay.

Isaias 66:5

Pamatia ang pulong sa Ginoo, kamo nga nagkurog tungod sa iyang pulong: “Ang inyong kaigsoonan nga nagdumot kaninyo, ug nagsalikway kaninyo tungod sa akong ngalan nag-ingon, ‘Ipahimaya ang Ginoo, aron makita namo ang inyong kalipay’; apan sila mao ang pakaulawan.

Jeremias 37:14

Unya si Jeremias miingon, “Bakak kana; wala ako mobiya ngadto sa mga Caldeanhon.” Apan si Irias wala mamati kaniya, ug gidakop si Jeremias ug gidala ngadto sa mga pangulo.

Mateo 10:18

ug tungod kanako dad-on kamo ngadto sa atubangan sa mga pangulo ug sa mga hari aron kamo mosaksi ngadto kanila ug sa mga Gentil.

Mateo 10:22

Dumtan kamo sa tanang tawo tungod sa akong ngalan. Apan ang molahutay hangtod sa kataposan maluwas.

Mateo 10:25

Igo na alang sa tinun-an nga mahisama sa iyang magtutudlo ug sa ulipon nga mahisama sa iyang agalon. Kon ang pangulo sa panimalay ilang ginganlan ug Beelzebul, unsa pa kaha ka ngil-ad sa ilang ingalan sa mga sakop sa iyang panimalay!

Mateo 10:39

Ang mangita sa iyang kinabuhi mawad-an niini, apan ang mawad-an sa iyang kinabuhi tungod kanako, makakaplag hinuon niini.

Mateo 19:29

Ug ang tanan nga nagbiya sa mga balay o mga igsoong lalaki o mga igsoong babaye o amahan o inahan o mga anak o kayutaan tungod sa akong ngalan, makadawat ug usa ka gatos ka pilo, ug makapanunod sa kinabuhing dayon.

Mateo 24:9

“Unya itugyan nila kamo ngadto sa kalisdanan ug ipapatay kamo ug dumtan sa tanang kanasoran tungod sa akong ngalan.

Mateo 27:39

Ug ang mga nangagi nagbiaybiay kaniya ug naglingolingo sa ilang mga ulo

Marcos 13:13

Unya dumtan kamo sa tanan tungod sa akong ngalan, apan ang molahutay hangtod sa kataposan maluwas.

Marcos 13:9

“Apan pagbantay kamo sa iyong kaugalingon kay kamo ilang itugyan ngadto sa mga hukmanan, ug kamo ilang bunalan sulod sa mga sinagoga, ug kamo moatubang sa mga gobernador ug sa mga hari tungod ug alang kanako, aron sa pagpamatuod ngadto kanila.

Marcos 4:17

apan wala sila makagamot. Hinuon molungtad sila sa makadiyot, unya inig-abot sa kasakitan o pagpanglutos tungod sa pulong, matumba dayon sila.

Marcos 8:35

Kay si bisan kinsa nga buot magluwas sa iyang kinabuhi, mawagtangan hinuon niini apan si bisan kinsa nga mawad-an sa iyang kinabuhi tungod kanako ug tungod sa Maayong Balita, magluwas niini.

Lucas 21:12

Apan sa dili pa mahitabo kining tanan, ila kamong dakpon ug lutoson, itugyan kamo ngadto sa mga sinagoga ug sa mga bilanggoan, ug kamo dad-on ngadto sa atubangan sa mga hari ug sa mga gobernador tungod sa akong ngalan.

Lucas 21:17

Ug kamo dumtan sa tanang tawo tungod sa akong ngalan,

Lucas 6:22

“Bulahan kamo sa dihang dumtan kamo sa mga tawo, ug sa dihang isalikway kamo nila ug bugalbugalan, ug isalikway ang inyong ngalan ingon nga daotan tungod sa Anak sa Tawo!

Lucas 9:24

Kay si bisan kinsa nga buot magluwas sa iyang kinabuhi mawad-an hinuon niini, ug si bisan kinsa nga mawad-an sa iyang kinabuhi tungod kanako, magluwas niini.

Juan 15:21

Apan kining tanan ilang buhaton kaninyo tungod sa akong ngalan kay sila wala man makaila kaniya nga nagpadala kanako.

Juan 9:28

Ug gipakaulawan nila siya ug giingnan, “Ikaw tinun-an niya apan kami mga tinun-an ni Moises.

Mga Buhat 9:16

kay ipakita nako kaniya kon unsa ka daghan ang kinahanglan niyang antoson tungod sa akong ngalan.”

Roma 8:36

Ingon sa nasulat, “Tungod kanimo gipamatay kami sa tibuok nga adlaw; giisip kami nga daw mga karnero nga ihawonon.”

1 Mga Taga-Corinto 4:10

Kami mga buang tungod kang Cristo apan kamo mga maalamon diha kang Cristo. Kami mga huyang, apan kamo mga kusgan. Kamo mga pinasidunggan apan kami mga tinamay.

2 Mga Taga-Corinto 4:11

Samtang kami buhi, kanunay kaming gitahan ngadto sa kamatayon tungod kang Jesus, aron ang kinabuhi ni Jesus mapadayag dinhi sa among mga lawas nga may kamatayon.

Mga Taga-Filipos 1:29

Kay gitugot kaninyo nga tungod kang Cristo dili lamang kay igo ra kamong motuo kaniya kondili kamo mag-antos usab tungod ug alang kaniya,

1 Pedro 2:23

Sa gisultihan siya ug pasipala, wala siya mobalos ug pasipala; sa nag-antos siya, wala siya manghulga; hinuon gitugyan niya ang iyang kaugalingon ngadto kaniya nga maghukom uban sa katarongan.

1 Pedro 4:14

Kon kamo pakaulawan tungod sa ngalan ni Cristo, bulahan kamo kay ang espiritu sa himaya ug sa Dios anaa kaninyo.

Gipadayag 2:3

Nasayod ako nga ikaw naglahutay ug nagpailob tungod sa akong ngalan, ug nga ikaw wala abota ug kapuol.