Mateo 4:8

Ang Biblia 2011

Unya gidala na usab siya sa yawa ngadto sa usa ka habog kaayong bukid ug kaniya iyang gipakita ang tanang gingharian sa kalibotan ug ang ilang kahimayaan,

Cross References

Ester 1:4

samtang gipakita niya ang mga bahandi sa iyang harianong himaya ug ang katahom ug kadungganan sa iyang pagkahalangdon sulod sa daghang mga adlaw, 180 ka adlaw.

Ester 5:11

Ug si Haman misugilon kanila sa himaya sa iyang mga bahandi, sa gidaghanon sa iyang mga anak, ug sa tanang mga pagtuboy diin ang hari nagpasidungog kaniya ug giunsa sa hari sa pagpauswag kaniya labaw sa mga pangulo ug mga alagad sa hari.

Daniel 4:30

ug ang hari miingon, “Dili ba kini mao ang bantogang Babilonia nga akong gitukod ingon nga harianong puluy-anan pinaagi sa akong dakong gahom ug alang sa dungog sa akong pagkahalangdon?”

Numeros 23:3

Ug si Balaam miingon kang Balak, “Tindog tupad sa imong halad nga sunogon ug ako moadto, basin ug ang Ginoo moanhi sa pagpakigtagbo kanako. Ug bisan unsa nga iyang ipakita kanako, akong isugilon kanimo.” Ug siya miadto sa usa ka hawan nga bukid.

Mateo 16:26

Kay unsa may kapuslanan alang sa usa ka tawo kon maangkon niya ang tibuok kalibotan apan kawad-an sa iyang kinabuhi? O unsa may ikahatag sa tawo ingon nga bugti sa iyang kinabuhi?

Mateo 4:5

Unya ang yawa midala kaniya ngadto sa siyudad nga balaan ug gitungtong siya sa kinahabogang bahin sa templo

Juan 5:20

Kay ang Amahan nahigugma sa Anak, ug iyang gipakita kaniya ang tanan niyang gibuhat ug labi pa ka dagkong mga buhat kay niini ang iyang ipakita kaniya aron kamo mahibulong.

1 Pedro 1:24

kay “Ang tanang tawo sama sa sagbot ug ang tanang himaya niini sama sa bulak sa sagbot. Ang sagbot malaya, ug ang kabulakan mangatagak,

Gipadayag 11:15

Unya ang ikapitong anghel mipatingog sa iyang trumpeta, ug sa langit dihay mga kusog nga tingog nga nag-ingon, “Ang gingharian sa kalibotan nahimong gingharian sa atong Ginoo ug sa iyang Cristo, ug siya maghari hangtod sa kahangtoran.”