Mateo 4:4

Ang Biblia 2011

Apan siya mitubag, “Nasulat na, ‘Ang tawo mabuhi dili sa pan lamang kondili sa matag pulong nga mogula sa baba sa Dios.’ ”

Cross References

Exodo 16:15

Sa pagkakita sa katawhan sa Israel niini, miingon ang usa ngadto sa usa, “Unsa man kini?” Kay wala man sila makaila kon unsa kadto. Ug si Moises miingon kanila, “Mao kana ang pan nga gihatag sa Ginoo kaninyo aron kaonon.

Exodo 16:35

Ug ang katawhan sa Israel nangaon sa mana sulod sa 40 ka tuig, hangtod nga miabot sila sa yuta nga kapuy-an. Nangaon sila ug mana hangtod na sila miabot sa utlanan sa yuta sa Canaan.

Exodo 16:8

Ug miingon si Moises, “Ang Ginoo maghatag kaninyo ug unod aron kaonon sa pagkagabii, ug sa pagkabuntag pan hangtod kamo mabusog, kay siya nakadungog man sa mga bagulbol nga batok kaniya. Unsa ba kami? Ang inyong mga pagbagulbol dili batok kanamo, kondili batok sa Ginoo.”

Exodo 23:15

Himoa ninyo ang Kasaulogan sa Pan nga Walay Patubo sumala sa akong gisugo kaninyo. Magkaon kamo ug pan nga walay patubo sulod sa pito ka adlaw sulod sa gitakda nga panahon sa bulan sa Abib, kay niini migula kamo gikan sa Ehipto ug walay si bisan kinsa nga magpakita sa akong atubangan nga walay dala.

Mateo 15:11

dili ang mosulod sa baba mao ang makapahugaw sa tawo, kondili ang mogula gikan sa baba mao ang makapahugaw sa tawo.”

Mateo 4:10

Unya si Jesus miingon kaniya, “Pahawa, Satanas! Kay nasulat kini, ‘Maoy simbaha ang Ginoo nga imong Dios, ug siya lamang ang alagara.’ ”

Mateo 4:7

Si Jesus miingon kaniya, “Nasulat usab kini, ‘Ayaw tintala ang Ginoo nga imong Dios.’ ”

Marcos 7:20

Ug siya miingon, “Ang mogula gikan sa tawo mao ang makapahugaw sa tawo.

Lucas 4:12

Ug si Jesus mitubag kaniya, “Giingon, ‘Ayaw tintala ang Ginoo nga imong Dios.’”

Lucas 4:4

Si Jesus mitubag kaniya, “Nasulat, ‘Ang tawo dili mabuhi sa pan lamang.’”

Lucas 4:8

Ug si Jesus mitubag kaniya, “Nasulat kini, ‘Simbahon nimo ang Ginoo nga imong Dios, ug siya lamang ang imong alagaran.’”

Juan 15:26

Apan inig-abot unya sa Manlalaban nga akong ipadala kaninyo gikan sa Amahan, ang Espiritu sa kamatuoran nga moanhi gikan sa Amahan, kini siya magpamatuod mahitungod kanako.

Juan 6:63

Ang espiritu mao ang naghatag ug kinabuhi, ang unod walay kapuslanan. Ang mga pulong nga akong gisulti kaninyo espiritu ug kinabuhi.

Roma 15:4

Kay bisan unsay nasulat kaniadto, gisulat alang sa pagtudlo kanato aron nga pinaagi sa pailob ug pinaagi sa pagdasig gikan sa kasulatan, makabaton unta kita ug paglaom.

Mga Taga-Efeso 6:17

Ug dad-a ninyo ang helmet nga mao ang kaluwasan, ug ang espada sa Espiritu nga mao ang pulong sa Dios.

Deuteronomio 8:3

Ug kamo iyang gipaubos ug gipagutoman ug gipakaon kamo niya sa mana nga wala ninyo mailhi, bisan ang inyong katigulangan wala makaila niini, aron kamo iyang mapahibalo nga ang tawo dili mabuhi sa pan lamang, kondili sa tanang butang nga mogula gikan sa baba sa Ginoo mabuhi ang tawo.