Mateo 4:3

Ang Biblia 2011

Unya miduol ang maninintal ug miingon kaniya, “Kon ikaw Anak sa Dios, sugoa kining mga bato aron mahimong mga pan.”

Cross References

Exodo 16:3

Ug ang katawhan sa Israel miingon kanila, “Maayo pa ug nangamatay kami pinaagi sa kamot sa Ginoo didto sa Ehipto sa dihang naglingkod kami tupad sa mga kulon sa mga unod ug nagkaon ug pan hangtod sa mabusog. Kay kamo nagdala kanamo dinhi niining kamingawan aron sa pagpatay niining tibuok nga katilingban pinaagi sa gutom.”

Mateo 14:33

Unya sila nga didto sa sakayan misimba kaniya ug miingon, “Sa pagkatinuod ikaw mao ang Anak sa Dios.”

Mateo 16:16

Si Simon Pedro, mitubag nga nag-ingon, “Ikaw mao ang Cristo, ang Anak sa buhing Dios.”

Mateo 26:63

Apan si Jesus nagpakahilom lamang. Ug ang labawng pangulong pari miingon kaniya, “Nagsugo ako kanimo sa ngalan sa buhing Dios, sa pagtug-an kanamo, kon ikaw mao ba ang Cristo, ang Anak sa Dios.”

Mateo 3:17

Ug dihay usa ka tingog gikan sa langit nga nag-ingon, “Kini mao ang akong Anak nga pinalangga, kaniya nalipay ako pag-ayo.”

Marcos 1:1

Ang sinugdan sa Maayong Balita mahitungod kang Jesu-Cristo, ang Anak sa Dios.

Marcos 3:11

Sa dihang nakakita kaniya ang mga hugaw nga espiritu, mihapa sila sa iyang atubangan ug naninggit nga nag-ingon, “Ikaw mao ang Anak sa Dios!”

Marcos 5:7

ug nagsiyagit sa kusog nga tingog nga nag-ingon, “Unsay imong tuyo kanako, Jesus, Anak sa Labing Halangdong Dios? Tungod sa Dios, mangamuyo ako kanimo, ayaw intawon ako pagsakita.”

Lucas 1:35

Ang anghel mitubag kaniya, “Ang Espiritu Santo mokunsad kanimo ug ang gahom sa Labing Halangdon molandong kanimo. Tungod niini, ang balaang bata nga matawo tawgon nga Anak sa Dios.

Lucas 22:70

Ug silang tanan miingon, “Ikaw ba diay ang Anak sa Dios?” Ug siya miingon kanila, “Kamo nag-ingon nga ako mao.”

Lucas 4:3

Ug ang yawa miingon kaniya, “Kon ikaw Anak sa Dios, sugoa kining bato nga mahimong pan.”

Lucas 4:41

Ug gikan sa daghang mga tawo migula ang mga yawa nga nagsinggit, “Ikaw mao ang Anak sa Dios!” Apan gibadlong niya sila ug wala tugoti sa pagsulti kay sila nakaila man nga siya mao ang Cristo.

Lucas 4:9

Unya ang yawa midala kaniya ngadto sa Jerusalem ug mipatungtong kaniya sa kinahabogang bahin sa Templo ug miingon kaniya, “Kon ikaw Anak sa Dios, ambak gikan dinhi ngadto sa ubos,

Juan 1:34

Ug ako gayod nakakita ug nagpamatuod nga kini siya mao ang Anak sa Dios.”

Juan 1:49

Ug si Natanael mitubag kaniya, “Rabi, ikaw mao ang Anak sa Dios! Ikaw mao ang Hari sa Israel!”

Juan 20:31

apan kini, gisulat aron kamo motuo nga si Jesus mao ang Cristo, ang Anak sa Dios, ug nga sa pagtuo makabaton kamo ug kinabuhi diha sa iyang ngalan.

Juan 9:35

Unya si Jesus nakadungog nga gihinginlan nila siya; ug sa iyang pagkakita kaniya, siya miingon, “Nagtuo ba ikaw sa Anak sa Tawo?”

Mga Buhat 9:20

Ug didto sa mga sinagoga, nagwali dayon siya mahitungod kang Jesus, nga siya mao ang Anak sa Dios.

2 Mga Taga-Corinto 1:19

Kay ang Anak sa Dios nga si Jesu-Cristo, nga giwali kaninyo ni Silvano ug ni Timoteo ug nako, dili “Oo” ug unya “Dili”, kondili diha kaniya kanunay nga “Oo.”

Mga Taga-Galacia 2:20

Gilansang ako sa krus uban kang Cristo, dili na ako ang nabuhi, kondili si Cristo ang nabuhi sa sulod nako, ug ang kinabuhi nga karon akong gikinabuhi sa unod akong gikinabuhi diha sa akong pagtuo sa Anak sa Dios nga nahigugma kanako ug mitugyan sa iyang kaugalingon alang kanako.

1 Mga Taga-Tesalonica 3:5

Tungod niini, sa wala na ako makaantos, nagsugo ako aron masayod mahitungod sa inyong pagtuo, sa kahadlok nga tingali ug nagpatintal kamo sa maninintal ug nga nakawang lamang ang among pagpangabudlay.

Mga Hebreo 12:16

nga walay bisan kinsa nga mahimong makihilawason o dili diosnon sama kang Esau, nga ang katungod sa pagkapanganay gipabayloan ug pagkaon.

Mga Hebreo 4:14

Kay aduna man kitay dako nga labawng pangulong pari nga nakalatas sa kalangitan, si Jesus, ang Anak sa Dios, huptan nato pag-ayo ang atong pagtuo.

Mga Hebreo 7:3

Siya walay amahan o inahan o kagikan, ug wala usab siyay sinugdanan sa mga adlaw o kataposan sa kinabuhi, apan sama sa Anak sa Dios, siya magpabilin nga pari hangtod sa kahangtoran.

1 Juan 3:8

Ang nagbuhat ug pagpakasala, iya sa yawa kay ang yawa nagpakasala man sukad pa sa sinugdan. Ang hinungdan nganong gipadayag ang anak sa Dios mao ang paglaglag sa mga binuhatan sa yawa.

Gipadayag 2:10

Ayaw kahadlok sa mga butang nga sa dili madugay imo nang antoson. Tan-awa, ang yawa hapit na magbanlod sa pipila kaninyo ngadto sa bilanggoan, aron masulayan kamo, ug sakiton kamo sulod sa napulo ka adlaw. Pagmatinumanon hangtod sa kamatayon, ug hatagan ko ikaw sa purongpurong nga kinabuhi.