Mateo 4:11

Ang Biblia 2011

Unya ang yawa mibiya kaniya ug dihay mga anghel nga miabot ug mialagad kaniya.

Cross References

1 Mga Hari 19:6

Ug siya mitan-aw ug nakita niya diha sa iyang ulohan ang usa ka buok torta nga linuto sa init nga baga ug usa ka tibod nga tubig. Ug siya mikaon ug miinom ug mihigda pag-usab.

Mateo 26:53

Naghunahuna ba ikaw nga dili ako makapakitabang sa akong Amahan ug nga dili siya makapadala karon dayon ug mga anghel nga labaw pa sa napulo ug duha ka panon?

Mateo 4:6

ug giingnan, “Kon ikaw Anak sa Dios, ambak ngadto sa ubos kay nasulat kini, ‘Magsugo siya sa iyang mga anghel mahitungod nimo,’ ug ‘Sa ilang mga kamot sapnayon ikaw nila, aron ang imong mga tiil dili maigo sa bato.’ ”

Marcos 1:13

Sulod sa 40 ka adlaw didto siya sa kamingawan, gitintal ni Satanas, ug siya uban sa mga ihalas nga mananap apan dihay mga anghel nga miatiman kaniya.

Lucas 22:43

Ug dihay anghel nga mipakita kaniya gikan sa langit nga naglig-on kaniya.

Lucas 22:53

Sa didto ako sa Templo uban kaninyo matag adlaw, wala hinuon ninyo bakyawa ang inyong mga kamot batok kanako. Apan kini mao ang inyong panahon, ug ang gahom sa kangitngit.”

Lucas 4:13

Sa nahuman na sa yawa ang tanang mga pagpanintal, mibiya siya gikan kaniya hangtod sa laing higayon.

Juan 14:30

Dili na ako magdaghan pa ug sulti kaninyo, kay moabot na ang pangulo niining kalibotana. Wala siyay gahom ibabaw kanako;

1 Timoteo 3:16

Ug dili malalis nga dako gayod ang misteryo sa pagkadiosnon: Siya nadayag diha sa lawas, namatud-an nga matarong diha sa Espiritu, nakita sa mga anghel, gisangyaw taliwala sa kanasoran, gituohan dinhi sa kalibotan, gibayaw ngadto sa himaya.

Mga Hebreo 1:14

Dili ba silang tanan mga alagad nga espiritu, nga gipadala aron sa pag-alagad, tungod ug alang kanila nga makaangkon sa kaluwasan?

Mga Hebreo 1:6

Ug usab, sa pagdala niya sa panganay nganhi sa kalibotan, siya miingon, “Pasimbaha kaniya ang tanang mga anghel sa Dios.”