Mateo 4:1

Ang Biblia 2011

Unya si Jesus gidala sa Espiritu ngadto sa kamingawan aron tintalon sa yawa.

Cross References

Genesis 3:15

Ug ibutang nako ang panag-away tali kanimo ug sa babaye ug tali sa imong kaliwat ug sa iyang kaliwat; siya magsamad sa imong ulo, ug ikaw magsamad sa iyang tikod.”

1 Mga Hari 18:12

Ug sa diha nga ako mobiya na gikan kanimo, ang Espiritu sa Ginoo magdala kanimo sa dapit nga wala nako mahibaloi, ug busa kon ako moanhi ug magsugilon kang Ahab, ug siya dili makakaplag kanimo, iya akong patyon, bisan ug ako nga imong sulugoon nahadlok sa Ginoo sukad sa akong pagkabatan-on.

2 Mga Hari 2:16

Ug sila miingon kaniya, “Tan-awa karon, ania sa imong mga sulugoon ang 50 ka kusgan nga mga tawo. Palakta sila, kami naghangyo kanimo, ug ipapangita ang imong agalon, tingali ug ang Espiritu sa Ginoo mikuha kaniya ug gibutang siya sa kabukiran o sa kapatagan.” Ug siya miingon, “Ayaw sila ipadala.”

Ezequiel 11:1

Unya ang Espiritu mibayaw kanako ug midala kanako ngadto sa silangan nga ganghaan sa balay sa Ginoo, nga nag-atubang sa silangan. Ug didto sa pultahan sa ganghaan dihay 25 ka tawo, ug akong nakita uban kanila si Jaasanias nga anak ni Asur ug si Pelatias nga anak ni Benaias, mga pangulo sa katawhan.

Ezequiel 11:24

Ang Espiritu mibayaw kanako ug midala kanako sa usa ka panan-awon pinaagi sa Espiritu sa Dios ngadto sa Caldea, ngadto sa mga binihag. Unya ang panan-awon nga akong nakita mibiya kanako.

Ezequiel 3:12

Unya ang Espiritu mibayaw kanako, ug samtang ang himaya sa Ginoo misaka gikan sa dapit niini, nadungog nako sa akong luyo ang tingog sa usa ka dakong linog.

Ezequiel 3:14

Busa gibayaw ako sa Espiritu ug gidala ako sa layo ug ako nahiadto uban ang kapaitan, diha sa kainit sa akong espiritu, ingon nga ang kamot sa Ginoo bug-at sa ibabaw nako.

Ezequiel 40:2

Gidala niya ako, diha sa mga panan-awon sa Dios, ngadto sa yuta sa Israel, ug gipahimutang ako sa usa ka habog kaayo nga bukid, diin didto adunay daw dagway sa usa ka siyudad dapit sa habagatan.

Ezequiel 43:5

ang Espiritu mibayaw kanako ug gidala ako ngadto sa sulod nga hawanan, ug ang himaya sa Ginoo milukop sa Templo.

Ezequiel 8:3

Ug siya mikab-ot pinaagi sa daw usa ka kamot ug gigunitan ako pinaagi sa usa ka pungpong sa buhok sa akong ulo ug gialsa ako sa Espiritu taliwala sa yuta ug sa langit, ug gidala ako sa mga panan-awon sa Dios ngadto sa Jerusalem, ngadto sa pultahan sa ganghaan sa labing sulod nga hawanan nga nag-atubang sa amihanan, diin didto mahimutang ang lingkoranan sa larawan sa pangabubho, nga naghagit sa pagpangabubho.

Juan 14:30

Dili na ako magdaghan pa ug sulti kaninyo, kay moabot na ang pangulo niining kalibotana. Wala siyay gahom ibabaw kanako;

Mga Buhat 8:39

Ug sa nakahaw-as na sila gikan sa tubig, ang Espiritu sa Ginoo misakmit kang Felipe, ug ang yunoko wala na makakita kaniya ug mipadayon sa iyang lakaw nga nagmalipayon.

Roma 8:14

Kay ang tanang gimandoan sa Espiritu sa Dios mga anak sa Dios.

Mga Hebreo 2:18

Kay ingon nga siya gayod nag-antos ug gitintal, makahimo siya sa pagtabang kanila nga gitintal.

Santiago 1:14

hinuon ang matag tawo matintal sa diha nga madala ug madani siya sa iyang kaugalingong pangibog.