Mateo 3:7

Ang Biblia 2011

Apan sa pagtan-aw niya nga daghan sa mga Pariseo ug sa mga Saduceo ang miadto aron sa pagpabautismo, siya miingon kanila, “Kamong kaliwat sa mga bitin! Kinsa bay nagpasidaan kaninyo sa pag-ikyas gikan sa kapungot nga umaabot?

Cross References

Genesis 3:15

Ug ibutang nako ang panag-away tali kanimo ug sa babaye ug tali sa imong kaliwat ug sa iyang kaliwat; siya magsamad sa imong ulo, ug ikaw magsamad sa iyang tikod.”

Mga Panultihon 28:4

Kadtong nagsalikway sa Balaod nagdayeg sa daotan, apan kadtong nagtuman sa Balaod nakigbisog batok kanila.

Isaias 59:5

Sila nagpapusa ug mga itlog sa mga lala nga bitin, ug naghimo ug balay sa lawalawa; siya nga mokaon sa ilang mga itlog mamatay, ug niadtong mapusa mogula ang lala nga bitin.

Jeremias 51:6

“Palayo kamo gikan sa taliwala sa Babilonia, ipaluwas sa matag tawo ang iyang kinabuhi! Ayaw kamo pagpalaglag diha sa iyang silot kay kini mao ang panahon sa pagpanimalos sa Ginoo, ang balos nga iyang gipahamtang kaniya.

Jeremias 6:10

Kang kinsa man ako mosulti ug mohatag ug pasidaan, aron sila mamati? Tan-awa, ang ilang mga dalunggan tinak-opan, dili siya makadungog. Ang pulong sa Ginoo alang kanila usa ka bugalbugal, sila walay kahimuot niini.

Mateo 12:24

Apan ang mga Pariseo nga nakadungog niini miingon, “Kining tawhana nagpagula sa mga demonyo pinaagi ra usab kang Beelzebul, ang pangulo sa mga demonyo.”

Mateo 12:34

Kamong mga kaliwat sa bitin! Unsaon man ninyo pagsultig maayo nga mga daotan man kamo? Kay gikan sa kapuno sa kasingkasing mosulti ang baba.

Mateo 15:12

Unya ang mga tinun-an miduol ug miingon kaniya, “Nasayod ba ikaw nga ang mga Pariseo gisakitan sa ilang pagkadungog sa imong gisulti?”

Mateo 16:1

Unya nangabot ang mga Pariseo ug mga Saduceo, ug aron sa pagsulay kang Jesus, ilang gihangyo siya sa pagpakita kanila ug ilhanan gikan sa langit.

Mateo 16:6

Unya si Jesus miingon kanila, “Bantayi ug likayi ninyo ang patubo sa pan nga ila sa mga Pariseo ug sa mga Saduceo.”

Mateo 22:15

Unya ang mga Pariseo milakaw ug nagsabot kon unsaon nila sa pagbitik si Jesus pinaagi sa iyang pulong.

Mateo 22:23

Niadto gihapong adlawa ang mga Saduceo miadto kaniya, mga tawo nga nag-ingon nga walay pagkabanhaw, ug nangutana sila kaniya,

Mateo 22:34

Apan sa pagkadungog sa mga Pariseo nga napahilom niya ang mga Saduceo, sila nagtigom.

Mateo 23:33

Kamong mga bitin ug kaliwat sa mga bitin, unsaon man ninyo paglingkawas gikan sa pagkahinukman ngadto sa imperno?

Mateo 5:20

Kay sultihan ko kamo, kon ang inyong pagkamatarong dili molabaw sa ila sa mga eskriba ug sa mga Pariseo, dili gayod kamo makasulod sa gingharian sa langit.

Marcos 12:13

Unya nagpadala sila ngadto kaniya ug pipila sa mga Pariseo ug pipila sa mga Herodianhon aron sa pagbitik kaniya sa iyang pagpanulti.

Marcos 12:18

Unya miadto kaniya ang mga Saduceo, mga tawo nga nag-ingon nga walay pagkabanhaw ug nangutana sila kaniya nga nag-ingon,

Marcos 8:15

Ug sila gipasidan-an niya nga nag-ingon, “Tan-awa, ug pagbantay kamo sa patubo sa pan sa mga Pariseo ug sa patubo sa pan ni Herodes.”

Lucas 16:14

Ug ang mga Pariseo nga mga mahigugmaon sa salapi, nakadungog niining tanan ug sila mibugalbugal kaniya.

Lucas 18:11

Ang Pariseo nagbarog ug nag-ampo diha sa iyang kaugalingon, ‘O Dios, nagpasalamat ako kanimo nga dili ako sama sa ubang mga tawo nga tikasan, daotan, mananapaw ug dili usab sama niining tigpaningil ug buhis.

Lucas 7:30

Apan ang mga Pariseo ug ang mga batid sa Balaod misalikway sa tuyo sa Dios alang kanila, ingon nga wala bautismohi ni Juan.

Juan 1:24

Kini sila mga sinugo gikan sa mga Pariseo.

Juan 8:44

Kamo gikan sa inyong amahan nga mao ang yawa ug nagtinguha kamo sa pagbuhat sa kabubut-on sa inyong amahan. Siya mamumuno gayod sukad pa sa sinugdan, ug walay labot sa kamatuoran kay ang kamatuoran wala man diha kaniya. Sa dihang mamakak siya, magsulti siya tukma sa iyang kaugalingong kinaiya kay siya bakakon man ug amahan sa mga bakak.

Juan 9:40

Ug nadungog kini sa pipila sa mga Pariseo nga duol kaniya, ug sila miingon kaniya, “Mga buta ba diay usab kami?”

Mga Buhat 15:5

Apan ang ubang mga magtutuo nga sakop sa pundok sa mga Pariseo mitindog ug miingon, “Kinahanglan gayod nga tulion sila ug mandoan sa pagtuman sa Balaod ni Moises.”

Mga Buhat 20:31

Busa pagbantay kamo ug hinumdomi ninyo nga sulod sa tulo ka tuig, sa adlaw ug gabii, wala ako mohunong sa pagpahimangno sa matag usa kaninyo uban sa luha.

Mga Buhat 26:5

Ila nang nahibaloan sulod sa dugayng panahon, kon buot silang mopamatuod nga sumala sa labing higpit nga pundok sa atong tinuohan, ako nagkinabuhi nga usa ka Pariseo.

Mga Buhat 5:17

Apan ang labawng pangulong pari ug ang tanang uban niya, nga mao ang pundok sa mga Saduceo, mitindog nga puno sa kasina

Roma 1:18

Kay gikan sa langit gipadayag ang kapungot sa Dios batok sa tanang pagkadili diosnon ug pagkadaotan sa mga tawo nga nagpugong sa kamatuoran pinaagi sa ilang pagkadaotan.

Roma 5:9

Ug kay karon nahimo na man kitang matarong pinaagi sa iyang dugo, labi pang luwason kita pinaagi kaniya gikan sa kapungot sa Dios.

1 Mga Taga-Tesalonica 1:10

ug sa pagpaabot sa iyang Anak gikan sa langit, nga iyang gibanhaw gikan sa mga patay, si Jesus nga nagluwas kanato gikan sa kapungot nga umaabot.

Mga Hebreo 11:7

Tungod sa pagtuo si Noe, sa napasidan-an siya sa Dios mahitungod sa mga hitabo nga wala pa makita, mitagad sa pasidaan ug iyang gibuhat ang arka alang sa pagluwas sa iyang panimalay. Tungod niini ang kalibotan iyang gihukman sa silot, ug siya nahimong manununod sa pagkamatarong nga pinaagi sa pagtuo.

Mga Hebreo 6:18

aron nga pinaagi sa duha ka butang nga dili mausab, nga dili gayod mahitabo nga ang Dios mamakak, kita nga mikagiw aron makatago, makabaton unta sa dakong kadasig sa paghupot nianang paglaom nga gibutang sa atong atubangan.

1 Juan 3:10

Maila kon kinsa ang mga anak sa Dios ug kinsa ang mga anak sa yawa pinaagi niini: si bisan kinsa nga wala magbuhat ug matarong ug wala mahigugma sa iyang igsoon, dili iya sa Dios.