Mateo 3:5

Ang Biblia 2011

Ug nangadto kaniya ang katawhan gikan sa Jerusalem ug sa tibuok nga Judea ug sa tanang kayutaan nga kasikbit sa Jordan.

Cross References

Mateo 2:1

Niadtong tungora sa natawo na si Jesus didto sa Betlehem sa Judea sa panahon ni Herodes nga hari, dihay mga mago gikan sa Sidlakan nga miabot sa Jerusalem, ug nangutana,

Mateo 4:25

Ug misunod kaniya ang dagkong panon sa katawhan gikan sa Galilea ug sa Decapolis ug sa Jerusalem ug sa Judea ug gikan sa mga dapit tabok sa Jordan.

Marcos 1:5

Ug nangadto kaniya ang tanang katawhan sa tibuok Judea ug ang katawhan sa Jerusalem. Sila gibautismohan niya didto sa Suba sa Jordan, sa pagsugid sa ilang mga sala.

Lucas 16:16

“Ang Balaod ug ang mga Propeta hangtod lamang kang Juan, ug sukad niadtong panahona giwali ang Maayong Balita mahitungod sa gingharian sa Dios, ug ang tanang tawo nakigbisog sa pagsulod niini.

Lucas 3:3

Ug miadto siya sa tanang kayutaan nga sikbit sa Jordan, nagwali sa bautismo sa paghinulsol alang sa kapasayloan sa mga sala.

Lucas 3:7

Busa si Juan miingon sa mga panon sa katawhan nga miadto aron sa pagpabautismo kaniya, “Kamong mga kaliwat sa mga bitin! Kinsay nagpasidaan kaninyo sa paglikay gikan sa kaligutgot nga umaabot?

Juan 3:23

Ug si Juan usab namautismo didto sa Aenon duol sa Salim kay daghan man ug tubig didto. Ug ang mga tawo nangadto ug gibautismohan sila.

Juan 5:35

Si Juan usa ka suga nga nagsiga ug nagdan-ag, ug sulod sa usa ka panahon gikahimut-an ninyo ang pagkalipay diha sa iyang kahayag.