Mateo 3:4

Ang Biblia 2011

Unya si Juan nagsul-ob ug bisti nga balhibo sa kamilyo ug usa ka bakos nga panit sa iyang hawak ug ang iyang kan-onon dulon ug dugos nga ihalas.

Cross References

2 Mga Hari 1:8

Sila mitubag kaniya, “Siya balhiboon ug nagbakos ug usa ka bakos nga panit diha sa iyang hawak.” Ug siya miingon, “Kadto mao si Elias nga Tisbihanon.”

Isaias 20:2

nianang panahona ang Ginoo misulti pinaagi kang Isaias nga anak ni Amos nga nag-ingon, “Lakaw ug hukasa ang sako nga bisti gikan sa imong hawak, ug huboa ang imong mga sandalyas gikan sa imong mga tiil,” ug gihimo niya kini, naglakaw siya nga hubo ug walay sapatos—

Levitico 11:22

Mahimo ninyong kaonon ang dulon sumala sa ilang matang, ang alasiwsiw sumala sa ilang matang, ang timos sumala sa ilang matang, ug ang apan-apan sumala sa ilang matang.

Zacarias 13:4

Nianang adlawa ang tanang propeta mangaulaw tungod sa iyang panan-awon sa diha nga magpropesiya siya, dili siya magsul-ob ug balhiboon nga kupo aron sa paglimbong,

Malaquias 4:5

“Tan-awa, akong ipadala kaninyo si Elias nga propeta sa dili pa moabot ang dako ug makalilisang nga adlaw sa Ginoo.

Mateo 11:18

Kay si Juan mianhi nga wala magkaon o mag-inom, apan sila nag-ingon, ‘Kana siya gidemonyohan!’

Mateo 11:8

Nganong miadto man kamo didto? Aron ba sa pagtan-aw sa usa ka tawo nga nagsul-ob ug luho nga mga bisti? Tan-awa, ang nagsul-ob ug luho nga mga bisti anaa sa mga balay sa mga hari.

Marcos 1:6

Si Juan nagsul-ob ug bisti nga balhibo sa kamilyo ug may bakos nga panit diha sa iyang hawak, ug ang iyang kan-onon dulon ug dugos nga ihalas.

Lucas 1:17

ug siya mag-una kaniya diha sa espiritu ug sa gahom ni Elias, aron sa pagliso sa mga kasingkasing sa mga amahan balik ngadto sa mga anak, ug sa mga masinupakon ngadto sa kaalam sa mga matarong, aron sa pagtagana alang sa Ginoo ug usa ka inandam nga katawhan.”

Deuteronomio 32:13

Iyang gipasakay siya sa mga habog nga dapit sa yuta ug mikaon siya sa mga bunga sa kapatagan. Ug gipasuyop niya siya ug dugos gikan sa dagkong bato ug lana gikan sa gahi nga bato,

Gipadayag 11:3

Ug ang akong duha ka saksi nga nagsul-ob ug mga bisti nga sako, hatagan nako ug kagahom sa pagpropesiya sulod sa 1,260 ka adlaw.”