Mateo 3:11

Ang Biblia 2011

“Ako nagbautismo kaninyo sa tubig alang sa paghinulsol apan siya nga moanhi sunod kanako gamhanan pa kay kanako nga bisan gani sa iyang mga sandalyas dili ako takos nga mobitbit. Siya magbautismo kaninyo sa Espiritu Santo ug kalayo.

Cross References

Isaias 4:4

sa diha nga mahugasan na sa Ginoo ang kahugawan sa mga anak nga babaye sa Zion, ug mahinloan na ang mansa sa dugo sa Jerusalem gikan sa taliwala niini, pinaagi sa espiritu sa paghukom ug pinaagi sa espiritu sa pagsunog.

Isaias 44:3

Kay magbubo ako ug tubig diha sa giuhaw nga yuta, ug mga sapa diha sa uga nga yuta; ako magbubo sa akong Espiritu sa ibabaw sa imong kaliwatan, ug sa akong panalangin sa imong kaliwat.

Zacarias 13:9

Ug itambog nako kining ikatulong bahin ngadto sa kalayo, ug lunsayon kini sama sa usa ka tawo nga maglunsay ug plata, ug magsulay kanila sama sa pagsulay sa bulawan. Sila magsangpit sa akong ngalan ug ako motubag kanila. Ako moingon, ‘Sila akong katawhan,’ ug sila moingon, ‘Ang Ginoo mao ang akong Dios.’ ”

Mateo 3:6

Didto sa suba sa Jordan iyang gibautismohan sila nga nagsugid sa ilang mga sala.

Marcos 1:4

si Juan nga Tigbautismo mitungha didto sa kamingawan ug nagwali mahitungod sa bautismo sa paghinulsol alang sa kapasayloan sa mga sala.

Lucas 1:17

ug siya mag-una kaniya diha sa espiritu ug sa gahom ni Elias, aron sa pagliso sa mga kasingkasing sa mga amahan balik ngadto sa mga anak, ug sa mga masinupakon ngadto sa kaalam sa mga matarong, aron sa pagtagana alang sa Ginoo ug usa ka inandam nga katawhan.”

Lucas 3:16

mitubag si Juan kanilang tanan nga nag-ingon, “Ako nagbautismo kaninyo sa tubig, apan moabot ang labaw pang gamhanan kay kanako nga bisan gani sa higot sa iyang mga sandalyas dili ako takos sa paghubad. Magbautismo siya kaninyo sa Espiritu Santo ug sa kalayo.

Lucas 3:3

Ug miadto siya sa tanang kayutaan nga sikbit sa Jordan, nagwali sa bautismo sa paghinulsol alang sa kapasayloan sa mga sala.

Juan 1:15

Si Juan nagpamatuod mahitungod kaniya, ug misinggit nga nag-ingon, “Mao kini siya ang gihisgotan nako sa akong pag-ingon, ‘Siya nga moanhi sunod kanako labaw pa kay kanako kay siya una man kanako.’”

Juan 1:30

Mao kana siya ang gihisgotan nako sa akong pag-ingon, ‘Sunod kanako moanhi ang usa ka tawo nga labaw pa kay kanako, kay siya una man kanako.’

Mga Buhat 1:5

si Juan nagbautismo pinaagi sa tubig, apan sa dili madugay bautismohan kamo pinaagi sa Espiritu Santo.”

Mga Buhat 19:4

Ug si Pablo miingon, “Si Juan nagbautismo sa bautismo sa paghinulsol, nagsulti sa katawhan nga kinahanglan silang motuo niadtong moabot sunod kaniya nga mao si Jesus.”

Mga Buhat 8:36

Sa nagpadayon sila sa pagpanaw naabot sila ug tubig, ug ang yunoko miingon, “Tan-awa, anaay tubig! Unsa pa may makapugong sa pagbautismo kanako?”

Mga Buhat 8:38

Ug misugo siya sa pagpahunong sa karwahi, ug silang duha, si Felipe ug ang yunoko, nanaog ngadto sa tubig ug gibautismohan niya siya.

1 Mga Taga-Corinto 12:13

Kay pinaagi sa usa ka Espiritu kitang tanan, mga Judio o mga Grego, mga ulipon o mga gawasnon, gibautismohan ngadto sa usa ka lawas ug kitang tanan gipainom sa usa ka Espiritu.

Mga Taga-Efeso 3:8

Kanako, bisan tuod ug labing ubos sa tanang mga balaan, gihatag ang maong grasya aron akong iwali ngadto sa mga Gentil ang dili matugkad nga mga bahandi ni Cristo,

Tito 3:5

kita iyang giluwas, dili tungod sa mga binuhatan nga atong nahimo diha sa pagkamatarong, kondili tungod sa iyang kaluoy, pinaagi sa paghugas ngadto sa bag-ong pagkatawo ug sa pagbag-o pinaagi sa Espiritu Santo

1 Pedro 5:5

Kamo usab nga mga batan-on, pagmasinugtanon kamo sa mga kadagkoan. Ug kamong tanan, pagsul-ob sa pagkamapaubsanon ngadto sa usa ug usa, kay “Ang Dios mobatok sa mga mapahitas-on, apan sa mga mapaubsanon siya maghatag ug grasya.”