Mateo 27:5

Ang Biblia 2011

Ug ang mga salapi nga plata iyang giitsa ngadto sa sulod sa Templo ug mibiya siya. Ug siya milakaw ug nagbitay sa iyang kaugalingon.

Cross References

2 Samuel 17:23

Sa diha nga si Ahitofel nakakita nga ang iyang tambag wala tumana, gimontorahan niya ang iyang asno ug mipauli siya sa iyang kaugalingong siyudad. Ug gihusay niya ang iyang panimalay ug nagbitay sa iyang kaugalingon ug siya namatay ug gilubong sa lubnganan sa iyang amahan.

1 Mga Hari 16:18

Sa pagkakita ni Zimri nga ang siyudad nailog, miadto siya sa palasyo sa hari ug gisunog pinaagi sa kalayo ang balay sa hari lakip ang iyang kaugalingon ug namatay siya

Job 2:9

Unya ang iyang asawa miingon kaniya, “Huptan pa ba gihapon nimo ang imong pagkamatarong? Tungloha ang Dios ug pagpakamatay!”

Job 7:15

aron akong pilion ang pagtuok ug ang kamatayon kay sa akong kabukogan.

Salmo 55:23

Apan ikaw, O Dios, magtambog kanila ngadto sa gahong sa pagkalaglag; ang mga madugoon ug limbongan dili mabuhi sa katunga sa ilang mga adlaw. Apan ako mosalig kanimo.

Mateo 26:61

ug miingon, “Kining tawhana nag-ingon, ‘Makahimo ako sa pagguba sa Templo sa Dios ug sa pagpatindog niini pag-usab sulod sa tulo ka adlaw.’ ”

Mateo 27:6

Apan ang mga pangulong pari, sa dihang gipunit nila ang mga salapi nga plata, miingon, “Dili uyon sa balaod ang pagbutang niini diha sa panudlanan kay bayad kini sa dugo.”

Lucas 1:21

Unya ang mga tawo nagpaabot kang Zacarias, ug sila nahibulong sa iyang pagdugay sa sulod sa Templo.

Lucas 1:9

sumala sa nabatasan sa mga pari, siya maoy natumngan sa ripa aron maoy mosulod sa Templo sa Ginoo aron magsunog sa insenso.

Mga Maghuhukom 9:54

Dihadiha gitawag niya ang batan-ong lalaki nga tigdala sa iyang hinagiban ug miingon, “Ibta ang imong espada ug patya ako kay tingali unya ug ang mga tawo mosulti mahitungod kanako, ‘Usa ka babaye ang nagpatay kaniya.’ ” Ug ang iyang batan-ong lalaki midunggab kaniya ug namatay siya.