Mateo 27:4

Ang Biblia 2011

Siya miingon, “Nakasala ako sa akong pagtugyan sa dugo sa tawong dili sad-an.” Apan sila miingon, “Unsa may amo niana? Imo kanang tulubagon.”

Cross References

1 Mga Hari 21:27

Ug sa pagkadungog ni Ahab niadtong mga pulonga, iyang gigisi ang iyang mga bisti, ug nagsul-ob ug sako sa iyang lawas ug nagpuasa ug mihigda nga nagsul-ob sa sako ug milakaw nga masulub-on.

2 Mga Hari 24:4

ug tungod usab sa dugo sa mga walay sala nga iyang giula; kay iyang gipuno ang Jerusalem sa dugo sa mga walay sala, ug ang Ginoo dili gayod mopasaylo niini.

Job 13:4

Apan mahitungod kaninyo, kamo mga tigduhig ug bakak; mga mananambal nga walay pulos kamong tanan.

Job 16:2

“Nakadungog ako ug daghan nga ingon niini; kamong tanan mga maglilipay nga makadaot.

Salmo 94:21

Naghiusa sila batok sa kinabuhi sa matarong, ug gihukman nila nga patyon ang walay sala.

Exodo 12:31

Unya gipatawag sa Paraon si Moises ug si Aaron sa pagkagabii ug miingon siya kanila, “Panindog kamo, palayo gikan sa akong katawhan, kamo ug ang katawhan sa Israel, ug panglakaw kamo ug pag-alagad kamo sa Ginoo sumala sa inyong gisulti.

Exodo 9:27

Unya ang Paraon misugo sa pagpatawag kang Moises ug kang Aaron ug miingon kanila, “Nakasala ako niining panahona. Ang Ginoo matarong ug ako ug ang akong katawhan daotan.

Mga Panultihon 12:8

Ang usa ka tawo dayegon sumala sa iyang maayong hunahuna, apan kadtong sukwahi ug hunahuna tamayon.

Jeremias 26:15

Apan hibaloi lamang gayod ninyo nga kon patyon ninyo ako, magdala kamo ug dugo nga walay sala nganha sa inyong kaugalingon ug niining siyudad ug sa mga nagpuyo niini kay sa pagkatinuod, ang Ginoo nagpadala kanako nganhi kaninyo aron sa pagsulti niining tanang mga pulong diha sa inyong mga igdulungog.”

Jonas 1:14

Busa sila mituaw ngadto sa Ginoo, “Nangamuyo kami kanimo, O Ginoo, ayaw itugot nga kami mangamatay tungod sa kinabuhi niining tawhana, ug ayaw ipahamtang kanamo ang dugo nga walay sala, kay ikaw, O Ginoo, nagbuhat sumala sa imong gikahimut-an.”

Mateo 27:19

Ug samtang naglingkod siya didto sa hukmanan, gipadad-an siya sa iyang asawa ug tugon, “Ayaw pangilabot nianang tawo nga matarong kay karong adlawa nahasol ako pag-ayo tungod sa akong damgo mahitungod kaniya.”

Mateo 27:54

Karon, sa diha nga ang kapitan ug ang iyang mga kauban nga nagbantay kang Jesus nakakita sa linog ug sa mga nahitabo, sila nalisang pag-ayo ug miingon, “Sa pagkatinuod kining tawhana anak sa Dios!”

Lucas 23:22

Ug siya miingon kanila sa ikatulong higayon, “Kay ngano man, unsa bay iyang nabuhat nga daotan? Wala akoy nakitang sala kaniya nga angay sa kamatayon, busa ipakastigo nako siya ug buhian.”

Lucas 23:41

Kining atong kahimtang makatarunganon gayod kay kita nagdawat man sa angay nga balos sa atong mga binuhatan, apan kining tawhana walay nabuhat nga daotan.”

Lucas 23:47

Sa nakita sa kapitan ang nahitabo, siya midayeg sa Dios ug miingon, “Tinuod gayod nga kining tawhana dili sad-an!”

Juan 19:7

Ang mga Judio mitubag kaniya, “Kami adunay balaod, ug sumala sa maong balaod kinahanglan siyang patyon kay siya naghimo sa iyang kaugalingon nga Anak sa Dios.”

Mga Buhat 13:28

Bisan pa nga wala silay ikasumbong batok kaniya nga angay sa kamatayon, gihangyo nila si Pilato nga ipapatay siya.

Roma 3:19

Karon nahibalo kita nga bisan unsay gisulti sa Balaod, kini gisulti ngadto kanila nga nailalom sa Balaod aron ang matag baba matak-om ug aron ang tibuok kalibotan mailalom sa paghukom sa Dios.

1 Timoteo 4:2

pinaagi sa pagpakaaron-ingnon sa mga bakakon nga ang kaugalingong tanlag gipasoan sa nagbagang puthaw,

Tito 1:16

Sila nagpahayag nga nakaila sila sa Dios, apan naglimod kaniya pinaagi sa ilang mga binuhatan. Sila dulumtanan, masinupakon ug dili mapuslan alang sa tanang maayong buhat.

Mga Hebreo 7:26

Kay angay alang kanato ang maong labawng pangulong pari, balaan, walay sala, walay lama, linain gikan sa mga makasasala, tinuboy ngadto sa kahitas-an labaw pa sa kalangitan.

1 Pedro 1:19

kondili pinaagi sa bililhong dugo ni Cristo, sama sa dugo sa nating karnero nga walay buling o mansa.

1 Juan 3:12

ug dili sama kang Cain nga iya sa daotan ug mipatay sa iyang igsoon. Ug nganong gipatay man niya ang iyang igsoon? Tungod kay daotan man ang iyang binuhatan ug matarong ang iyang igsoon.

Gipadayag 11:10

Ug sila nga nagpuyo sa yuta maglipay tungod kanila ug magsadya ug maghatagay ug mga gasa, tungod kay kining duha ka propeta nakahatag man ug kasakit ngadto sa mga nagpuyo sa kalibotan.

1 Samuel 15:24

Unya si Saul miingon kang Samuel, “Ako nakasala kay ako nakalapas sa sugo sa Ginoo ug sa iyang mga pulong, tungod kay ako nahadlok sa katawhan ug nagtuman sa ilang tingog.

1 Samuel 15:30

Unya siya miingon, “Ako nakasala apan pasidunggi ako karon sa atubangan sa mga kadagkoan sa akong katawhan ug sa atubangan sa Israel, ug balik uban kanako aron ako mosimba sa Ginoo nga imong Dios.”

1 Samuel 19:5

Kay gibutang niya ang iyang kinabuhi diha sa iyang kamot ug gipatay ang Filistihanon, ug ang Ginoo naghimo ug usa ka dakong kadaogan sa tibuok Israel. Ikaw nakakita niana ug nalipay. Ngano nga magpakasala man ikaw batok sa dugo sa walay sala pinaagi sa pagpatay kang David sa walay hinungdan?”