Mateo 27:2

Ang Biblia 2011

Ug sa nagapos na nila siya, gidala nila siya ug gitugyan ngadto kang Pilato nga gobernador.

Cross References

Genesis 22:9

Sa dihang miabot sila sa dapit nga giingon kaniya sa Dios, si Abraham naghimo didto ug usa ka halaran ug gipahiluna niya pag-ayo ang kahoy ug gigapos niya si Isaac nga iyang anak ug gipahimutang niya siya sa halaran, sa ibabaw sa sugnod.

Mateo 20:19

ug itugyan ngadto sa mga Gentil aron bugalbugalan ug bunalan ug ilansang sa krus apan sa ikatulo nga adlaw banhawon siya.”

Mateo 28:14

Ug kon modangat kini sa mga dalunggan sa gobernador, kami ray mahibalong mopasabot kaniya ug malingkawas kamo sa kasamok.”

Lucas 13:1

Niadtong tungora dihay mga tawo nga misugilon kaniya mahitungod sa mga Galileanhon nga ang dugo gisagol ni Pilato sa ilang mga halad nga inihaw.

Lucas 20:20

Ug ilang gibantayan siya, ug gipaadtoan nila ug mga tigpaniid nga nagpakaaron-ingnon nga matarong aron ilang mabitik siya pinaagi sa iyang isulti, aron ilang itugyan siya ngadto sa kagamhanan ug sa pagbuot sa gobernador.

Lucas 23:1

Unya mitindog ang tibuok panon ug ilang gidala si Jesus sa atubangan ni Pilato.

Lucas 23:12

Ug niadtong adlawa si Herodes ug si Pilato nagkauli sa ilang paghigalaay, kay sa wala pa kini, nagkaaway man sila.

Lucas 3:1

Sa ikanapulo ug lima nga tuig sa paghari ni Tiberio Cesar, sa diha nga si Poncio Pilato mao ang gobernador sa Judea, ug si Herodes maoy gobernador sa Galilea, ug si Felipe nga iyang igsoon maoy gobernador sa kayutaan sa Iturea ug sa Traconite, ug si Lisanias maoy gobernador sa Abilinia,

Juan 18:12

Unya si Jesus gidakop sa panon sa mga sundalo ug sa ilang kapitan ug sa mga tinugyanan sa mga Judio ug gigapos nila siya.

Juan 18:24

Busa si Anas mipadala kaniya nga ginapos ngadto kang Caifas, ang labawng pangulong pari.

Juan 18:28

Unya ilang gidala si Jesus gikan sa balay ni Caifas ngadto sa palasyo sa gobernador. Sayo kadto sa kabuntagon ug sila wala mosulod sa palasyo aron dili sila mahugawan ug aron makakaon sila sa Kasaulogan sa Pagsaylo.

Mga Buhat 12:6

Sa gabii, sa dayon nang pagpaatubang ni Herodes kang Pedro, si Pedro nga gigaid ug duha ka kadena natulog taliwala sa duha ka sundalo ug sa atubangan sa pultahan dihay mga bantay nga nagbantay sa bilanggoan.

Mga Buhat 21:33

Unya miduol kaniya ang komandante ug midakop kaniya ug nagsugo nga gaposon siya sa duha ka kadena ug nangutana kon kinsa siya ug unsay iyang nabuhat.

Mga Buhat 22:25

Apan sa diha nga ila na siyang gigapos sa mga higot nga panit, si Pablo miingon sa kapitan nga nagtindog sa duol, “Uyon ba sa balaod alang kaninyo ang paglatos sa usa ka tawo nga Romanhong lungsoranon ug wala pa kahukmi?”

Mga Buhat 22:29

Ug ang mga tawo nga mao untay mosukitsukit kaniya mipahawa dayon, ug ang komandante usab nahadlok kay iyang nahibaloan nga si Pablo usa diay ka Romanhong lungsoranon, ug nga iyang gigapos siya.

Mga Buhat 24:27

Apan sa dihang milabay ang duha ka tuig, si Felix gipulihan ni Porcio Festo, ug sa tinguha sa pagpahimuot sa mga Judio, si Felix mibiya kang Pablo nga binilanggo.

Mga Buhat 28:20

Busa tungod niining maong hinungdan, mihangyo ako sa pagpakigkita ug pagpakigsulti kaninyo, kay kini tungod man sa paglaom sa Israel nga gigapos ako karon niining kadena.”

Mga Buhat 3:13

Ang Dios ni Abraham ug ni Isaac ug ni Jacob, ang Dios sa atong katigulangan, nagpasidungog sa iyang alagad nga si Jesus, nga inyong gitugyan ug gilimod sa atubangan ni Pilato nga mihukom na unta sa pagbuhi kaniya.

Mga Buhat 4:27

Kay sa pagkatinuod, dinhi niining siyudad adunay nagkatigom batok sa imong balaang alagad nga si Jesus nga imong gidihogan—si Herodes ug si Poncio Pilato uban sa mga Gentil ug sa mga tawo sa Israel

Mga Buhat 9:2

ug nangayo kaniya ug mga sulat ngadto sa mga sinagoga sa Damasco aron nga kon aduna siyay makita nga mga iya sa Dalan, mga lalaki o mga babaye, madala niya sila nga ginapos ngadto sa Jerusalem.

1 Timoteo 6:13

Sa atubangan sa Dios nga naghatag ug kinabuhi sa tanang butang ug ni Cristo Jesus nga sa iyang pagpamatuod sa atubangan ni Poncio Pilato naghimo sa maayong pagsugid,

2 Timoteo 2:9

nga tungod niini ako nag-antos bisan ngadto sa pagkaginapos sama sa usa ka tigbuhat ug daotan. Apan ang pulong sa Dios dili ginapos.

Mga Hebreo 13:3

Hinumdomi ninyo sila nga anaa sa bilanggoan, ingon nga daw nabilanggo usab kamo uban kanila, ug sila usab nga gidagmalan, kay kamo anaa man usab sa lawas.

Mga Maghuhukom 15:12

Ug sila miingon kaniya, “Kami mianhi sa paggapos kanimo aron ikatugyan ikaw namo ngadto sa kamot sa mga Filistihanon.” Ug si Samson miingon kanila, “Panumpa kanako nga dili gayod kamo mopatay kanako.”