Mateo 26:61

Ang Biblia 2011

ug miingon, “Kining tawhana nag-ingon, ‘Makahimo ako sa pagguba sa Templo sa Dios ug sa pagpatindog niini pag-usab sulod sa tulo ka adlaw.’ ”

Cross References

Genesis 19:9

Ug sila miingon, “Hawa diha.” Ug miingon pa gayod sila, “Kining tawhana mianhi sa pagpuyo ingon nga usa ka dumuduong, ug buot mahimong maghuhukom? Karon buhaton namo kanimo ang labi pang daotan kay kanila.” Ug gipugos nila pag-ayo ang tawo nga si Lot ug miduol sila aron sa paglungkab sa pultahan.

1 Mga Hari 22:27

ug ingna, ‘Mao kini ang gisulti sa hari, “Ibutang kining tawhana sa bilanggoan ug hatagi lamang siya ug gamayng pan ug diyotayng tubig, hangtod sa akong pagbalik nga malinawon.” ’ ”

2 Mga Hari 9:11

Sa diha nga si Jehu miadto sa mga sulugoon sa iyang agalon, sila miingon kaniya, “Maayo ba ang tanan? Nganong mianhi man kining buang nga tawo kanimo?” Ug siya miingon kanila, “Kamo nakaila sa tawo ug unsa ang iyang gipamulong.”

Isaias 49:7

Mao kini ang giingon sa Ginoo, ang Manunubos sa Israel ug ang iyang Balaan, kaniya nga gitamay pag-ayo, gikayugtan sa mga nasod, usa ka sulugoon sa mga pangulo, “Ang mga hari makakita ug manindog, mga pangulo, ug sila mangyukbo, tungod sa Ginoo nga matinumanon, ang Balaan sa Israel nga maoy nagpili kanimo.”

Isaias 53:3

Siya gitamay ug gisalikway sa mga tawo; usa ka tawo sa mga kasub-anan, ug sinati sa kasakitan, ug ingon sa usa ka tawo nga ang mga tawo magtago sa ilang nawong gikan kaniya, siya gibiaybiay ug siya wala nato hatagi ug bili.

Mateo 12:24

Apan ang mga Pariseo nga nakadungog niini miingon, “Kining tawhana nagpagula sa mga demonyo pinaagi ra usab kang Beelzebul, ang pangulo sa mga demonyo.”

Mateo 26:62

Ug ang labawng pangulong pari mitindog ug miingon kaniya, “Wala ka bay ikatubag? Unsa ba kining gipamatuod niining mga tawhana batok kanimo?”

Mateo 26:71

Ug sa dihang milakaw siya paingon sa agianan dihay laing babayeng sulugoon nga nakakita kaniya ug miingon sa mga tawo nga nagtindog didto, “Kining tawhana kauban ni Jesus nga Nazaretnon.”

Mateo 27:40

ug nag-ingon, “Ikaw nga moguba sa Templo ug mopatindog niini sulod sa tulo ka adlaw, luwasa ang imong kaugalingon! Kon ikaw Anak sa Dios, kanaog nianang krus.”

Mateo 27:5

Ug ang mga salapi nga plata iyang giitsa ngadto sa sulod sa Templo ug mibiya siya. Ug siya milakaw ug nagbitay sa iyang kaugalingon.

Marcos 14:58

“Kami nakadungog kaniya nga nag-ingon, ‘Gub-on nako kining Templo nga hinimo sa kamot, ug sulod sa tulo ka adlaw patindogon nako ang laing Templo nga dili hinimo sa kamot.’ ”

Marcos 15:29

Ug ang mga nangagi mibiaybiay nga naglingolingo sa ilang mga ulo ug nag-ingon, “Aha! Ikaw nga maoy moguba unta sa Templo ug mopatindog niini sulod sa tulo ka adlaw,

Lucas 23:2

Sila misugod sa pagsumbong batok kaniya, nga nag-ingon, “Kining tawhana among nakita nga nagpahisalaag sa atong nasod, ug nagdili kanamo sa paghatag ug buhis kang Cesar, ug nag-ingon nga siya si Cristo, usa ka hari.”

Juan 9:29

Kami nasayod nga ang Dios nakigsulti kang Moises, apan bahin niining tawhana, wala kami mahibalo kon diin kini siya gikan.”

Mga Buhat 17:18

Gikatagbo usab niya ang ubang mga magtutudlo nga mga Epikureo ug mga Estoico. Ug ang uban miingon, “Unsa man kahay buot isulti niining walay alamag nga nagpakamaalamon?” Ug ang uban, “Kini siya daw usa ka tigsangyaw sa mga dios nga langyaw”—kay iya man nga giwali si Jesus ug ang pagkabanhaw.

Mga Buhat 18:13

nga nag-ingon, “Kining tawhana nangdani sa mga tawo sa pagsimba sa Dios sa paagi nga supak sa balaod.”

Mga Buhat 22:22

Ug sila naminaw kaniya hangtod niining sultiha. Unya misinggit sila nga nag-ingon, “Kuhaa ang maong tawo gikan sa yuta, kay dili siya angay nga mabuhi.”