Mateo 26:5

Ang Biblia 2011

Apan sila miingon, “Dili sa panahon sa Kasaulogan kay tingali unya ug mahitabo ang kaguliyang sa mga tawo.”

Cross References

Salmo 76:10

Sa pagkatinuod gayod, ang kaligutgot sa tawo magdayeg kanimo; ang nahibilin sa kaligutgut imong gipugngan.

Mga Panultihon 19:21

Daghan ang mga plano sa kasingkasing sa usa ka tawo, apan ang katuyoan sa Ginoo mao ang molungtad.

Mga Panultihon 21:30

Walay kaalam, walay salabotan, walay tambag nga magpulos batok sa Ginoo.

Isaias 46:10

nagpahayag sa kataposan gikan sa sinugdan, ug gikan sa karaang mga panahon mga butang nga wala pa mahimo, nga nag-ingon, ‘Ang akong tambag magpadayon, ug himoon nako ang tanan nakong katuyoan,’

Mga Pagbangotan 3:37

Kinsa ang nagsugo ug kini natuman, gawas kon ang Ginoo mao ang nagbuot niini?

Mateo 14:5

Ug buot unta niyang patyon si Juan, apan nahadlok siya sa katawhan kay siya ila mang giila nga propeta.

Mateo 21:26

Ug kon moingon kita, ‘Gikan sa tawo,’ nahadlok kita sa katawhan kay ang tanan miila man nga si Juan propeta.”

Mateo 27:24

Busa sa pagtan-aw ni Pilato nga wala siyay mahimo ug nagsugod na hinuon ang kagubot, mikuha siya ug tubig ug sa atubangan sa panon sa katawhan nanghunaw siya sa iyang mga kamot nga nag-ingon, “Wala akoy sala sa dugo niining tawhana, inyo na kanang tulubagon.”

Marcos 14:12

Sa unang adlaw sa Kasaulogan sa Pan nga Walay Patubo, sa diha nga naghalad sila sa karnero sa Pagsaylo, ang iyang mga tinun-an miingon kaniya, “Asa man kami nimo paadtoa sa paghikay aron ikaw mokaon alang sa pagsaulog sa Pagsaylo?”

Marcos 14:2

kay sila nag-ingon, “Dili lang nato iatol sa kasaulogan, kay tingali unya ug mahitabo ang kaguliyang sa mga tawo.”

Marcos 14:27

Ug si Jesus miingon kanila, “Kamong tanan manibog kay nasulat man, ‘Patyon nako ang tigbantay, ug ang mga karnero magkatibulaag.’

Lucas 20:6

Apan kon moingon kita, ‘Gikan sa mga tawo,’ batoon kita sa tanang mga tawo, kay nagtuo man sila nga si Juan propeta.”

Lucas 22:7

Unya miabot ang adlaw sa Pan nga Walay Patubo, nga maoy pag-ihaw sa karnero alang sa Kasaulogan sa Pagsaylo.

Juan 18:28

Unya ilang gidala si Jesus gikan sa balay ni Caifas ngadto sa palasyo sa gobernador. Sayo kadto sa kabuntagon ug sila wala mosulod sa palasyo aron dili sila mahugawan ug aron makakaon sila sa Kasaulogan sa Pagsaylo.

Mga Buhat 19:29

Busa ang siyudad napuno sa kagubot, ug sila nagdungan pagdagan ngadto sa sulod sa tigomanan sa siyudad nga nagdala kang Gayo ug kang Aristarco, ang mga taga-Macedonia nga mga kauban ni Pablo sa panaw.

Mga Buhat 21:38

Dili ba ikaw kadtong Ehiptohanon nga sa dili pa lang dugay naghimo ug kagubot ug midala sa upat ka libo ka tawo sa mga mamumuno ngadto sa kamingawan?”

Mga Buhat 4:28

aron sa pagbuhat sa bisan unsa nga gitakda nang daan nga mahitabo sumala sa buhat sa imong kamot ug sa imong plano.