Mateo 25:4

Ang Biblia 2011

apan ang mga maalamon nagbalon ug lana sinulod sa laing sudlanan uban sa ilang mga lampara.

Cross References

Roma 8:9

Apan kamo wala na diha sa unod kondili anaa sa Espiritu, kon tinuod man nga ang Espiritu sa Dios nagpuyo diha kaninyo. Ang wala magbaton sa Espiritu ni Cristo dili iyaha.

1 Juan 2:27

hinuon ang pagdihog nga inyong nadawat gikan kaniya nagpabilin diha kaninyo ug kamo wala magkinahanglan nga aduna pay magtudlo kaninyo, ug ingon nga ang iyang pagdihog kaninyo nagtudlo man kaninyo mahitungod sa tanang butang, ug matuod kini ug dili bakak, sumala sa gitudlo niya kaninyo, pabilin kamo diha kaniya.

Juan 3:34

Siya nga gipadala sa Dios nagsulti sa mga pulong sa Dios kay sa walay sukod gihatag sa Dios ang Espiritu.

1 Juan 2:20

Apan kamo gidihogan na niya nga Balaan, ug kamong tanan nahibalo na.

Salmo 45:7

gihigugma nimo ang pagkamatarong ug gidumtan ang pagkadaotan. Tungod niana ang Dios, ang imong Dios, nagdihog kanimo sa lana sa kalipay labaw sa imong mga kauban;

Judas 1:19

Mao kini sila ang naghimo ug mga pagbahinbahin, mga tawong kalibotanon, wala magbaton sa Espiritu.

2 Mga Taga-Corinto 1:22

Siya mao ang nagselyo kanamo ug naghatag sa iyang Espiritu ingon nga pasalig diha sa among mga kasingkasing.

Mateo 7:24

“Busa bisan kinsa nga mamati niining akong mga pulong ug magbuhat niini, mahisama sa usa ka tawong maalamon nga nagtukod sa iyang balay ibabaw sa bato.

Mateo 10:16

“Tan-awa, ako nagpadala kaninyo ingon nga daw mga karnero taliwala sa mga lobo, busa pagmaalamon kamo sama sa mga bitin ug lumo sama sa mga salampati.

Mateo 25:2

Ang lima kanila mga buangbuang ug ang lima mga maalamon.

Mateo 25:3

Kay ang mga buangbuang, sa pagdala nila sa ilang mga lampara, wala magbalon ug lana,

Mateo 25:5

Ug kay ang pamanhonon nadugay man sa pag-abot, silang tanan nagduka ug nakatulog.