Mateo 24:7

Ang Biblia 2011

Kay ang usa ka nasod moalsa batok sa usa ka nasod ug gingharian batok sa gingharian ug mahitabo ang mga gutom ug mga linog sa nagkalainlaing mga dapit.

Cross References

2 Cronicas 15:6

Ug sila nangadugmok, nasod batok sa nasod, ug siyudad batok sa siyudad, kay ang Dios nagsakit kanila sa tanang matang sa kagul-anan.

Isaias 19:2

Hagiton nako ang mga Ehiptohanon batok sa mga Ehiptohanon, ug sila mag-away, ang matag tawo batok sa iyang igsoon, ug ang matag tawo batok sa iyang silingan, siyudad batok sa siyudad, gingharian batok sa gingharian;

Isaias 29:6

ikaw duawon sa Ginoo sa mga panon uban ang dalugdog ug linog ug dakong dahunog, uban ang alimpulos ug unos, ug ang nagdilaab nga kalayo nga maglamoy.

Ezequiel 14:21

“Kay mao kini ang giingon sa Ginoong Dios: Unsa pa kaha kon ipadala nako ang akong upat ka dagkong hukom ngadto sa Jerusalem, ang espada ug ang gutom ug ang mga bangis nga mananap ug ang kamatay aron sa paglaglag gikan niini sa tawo ug mananap!

Ezequiel 21:27

Usa ka guba, usa ka guba, himoon nako kini nga guba. Wala na gani unyay makita niini hangtod moabot siya nga may katungod niini ug ihatag nako kini kaniya.

Zacarias 14:13

Ug nianang adlawa ang usa ka dakong kaguliyang gikan sa Ginoo modangat kanila, nga tungod niana ang matag usa magkupot sa kamot sa iyang isigkatawo, ug ang kamot sa usa ibakyaw batok sa kamot sa usa.

Lucas 21:11

Mahitabo ang kusog nga mga linog, ug sa nagkalainlaing mga dapit adunay mga gutom ug mga kamatay, ug unya may mga makalilisang nga butang ug dagkong mga ilhanan gikan sa langit.

Mga Buhat 11:28

Ug ang usa kanila nga ginganlan ug Agabos mitindog ug pinaagi sa Espiritu mitagna nga moabot ang usa ka dakong gutom sa tibuok kalibotan. Kini nahitabo sa panahon ni Claudio.

Mga Buhat 2:19

Ug sa itaas ako magpakita ug mga kahibulongan diha sa langit, ug sa ubos ang mga ilhanan diha sa yuta, dugo, ug kalayo, ug gabon nga aso.

Mga Hebreo 12:27

Kining sultiha, “Sa lain pa gayod nga higayon,” nagpasabot nga kuhaon ang bisan unsa nga matay-og, ingon nga mga binuhat lamang, aron magpabilin kadtong dili matay-og.

Gipadayag 6:12

Ug sa pagbukas niya sa ikaunom nga silyo, akong nakita nga dihay usa ka kusog nga linog, ug ang adlaw miitom sama sa sako nga hinimo gikan sa balhibo, ang tibuok nga bulan nahimong daw dugo,

Gipadayag 6:5

Ug sa pagbukas niya sa ikatulong silyo, akong nadungog ang ikatulo nga buhing binuhat nga nag-ingon “Duol ngari!” Ug akong nakita ang usa ka itom nga kabayo, ug ang nagkabayo niini may timbangan diha sa iyang kamot.

Gipadayag 6:6

Ug nadungog nako ang daw usa ka tingog nga diha sa taliwala sa upat ka buhing binuhat nga nag-ingon, “Ang usa ka litro nga trigo usa ka denario ug ang tulo ka litro nga sebada usa ka denario, apan ayaw hilabti ang lana ug ang bino!”

Gipadayag 6:8

Ug akong nakita ang usa ka luspad nga kabayo, ug ang nagkabayo niini ginganlan ug Kamatayon, ug ang Hades nagsunod kaniya, ug kini sila gihatagan ug kagahom ibabaw sa ikaupat nga bahin sa yuta, sa pagpamatay pinaagi sa espada ug sa gutom ug sa kamatay ug pinaagi sa pintas nga mga mananap sa yuta.