Mateo 24:6

Ang Biblia 2011

Ug makadungog kamo ug mga gubat ug dungogdungog mahitungod sa mga gubat. Pagbantay kamo nga dili kamo makuyawan kay kinahanglan gayod kini nga mahitabo apan dili pa kini mao ang kataposan.

Cross References

Salmo 112:7

Siya dili mahadlok sa mga balita nga daotan; ang iyang kasingkasing lig-on, nagsalig diha sa Ginoo.

Isaias 12:2

“Sa pagkatinuod ang Dios mao ang akong kaluwasan; ako mosalig, ug dili mahadlok kay ang Ginoong Dios mao ang akong kusog ug ang akong awit, ug siya nahimo nga akong kaluwasan.”

Isaias 7:4

ug sultihi siya, ‘Pagbantay ug paghilom, ayaw kahadlok, ug ayaw paluyaha ang imong kasingkasing, tungod niining duha ka nagbaga nga upos sa sugnod, tungod sa bangis nga kasuko ni Resin sa Siria ug sa anak ni Remalias.

Jeremias 47:6

Ah, espada sa Ginoo! Kanus-a ba nga ikaw maghilom? Ibutang ang imong kaugalingon nganha sa imong sakoban, pahulay ug pagpuyo!

Ezequiel 21:28

“Ug ikaw, anak sa tawo, pagpropesiya ug sulti, Mao kini ang giingon sa Ginoong Dios mahitungod sa mga Amonihanon, ug mahitungod sa ilang kaulawan, ingna, Usa ka espada, usa ka espada gilanit alang sa pagpatay; kini gipasinaw aron mogilaw ug mokidlap sama sa kilat,

Mateo 2:3

Sa pagkadungog niini ni Herodes nga hari, nahasol siya ug ang tibuok Jerusalem uban kaniya.

Mateo 24:14

Ug kining Maayong Balita mahitungod sa gingharian iwali ngadto sa tibuok nga kalibotan ingon nga pagsaksi ngadto sa tanang kanasoran ug unya moabot ang kataposan.

Mateo 26:54

Apan unsaon na man unya pagkatuman sa kasulatan nga mahitabo gayod kini sa ingon niini?”

Lucas 21:19

Pinaagi sa inyong pagkamalahutayon, maangkon ninyo ang inyong mga kinabuhi.

Lucas 21:9

Ug sa dihang makadungog kamo ug mga gubat ug mga kagubot, ayaw kamo kahadlok kay kinahanglang mahitabo una kini, apan ang kataposan dili pa moabot dayon.”

Lucas 22:37

Kay sultihan ko kamo, nga dinhi kanako kinahanglang matuman kining bahina sa kasulatan nga nag-ingon, ‘Ug siya giisip nga kauban sa mga malapason,’ kay ang nasulat mahitungod kanako adunay katumanan.”

Juan 14:1

“Ayaw kamo kaguol diha sa inyong kasingkasing. Salig kamo sa Dios ug salig usab kamo kanako.

Juan 14:27

Ang kalinaw ibilin nako kaninyo, ang akong kalinaw ihatag nako kaninyo. Ihatag nako kini kaninyo, dili sama sa paghatag sa kalibotan. Ayaw kamo kaguol diha sa inyong kasingkasing, ayaw kamo pagtalaw.

2 Mga Taga-Tesalonica 2:2

nga dili unta kamo makuyawan dayon sa hunahuna o makulbaan, bisan pinaagi sa espiritu o sa pulong, o pinaagi sa sulat sa pahayag nga daw kami mao ang nag-ingon, nga ang adlaw sa Ginoo miabot na.

Gipadayag 6:4

Ug migula ang lain na usab nga kabayo, pula, ug ang nagkabayo niini gitugotan sa pagkuha sa pakigdait gikan sa kalibotan aron ang mga tawo magpinatyanay, ug siya gihatagan ug usa ka dakong espada.